 |
| شاعر مهجري فائز بجائزة شربل بعيني |
زهرة
يا شربل انت الزهره
العم منشمّ معانيها
قللي شو نفع السهره
وانت مش حاضر فيها
**
شاعرنا العظيم
يا شربل اللي الحب بيقلبك قَطَنْ
الشعّار ما كرّمت لو منَّك كريم
قاعد تفتّش ع عظيم من الوطن
وعند الحقيقه إنت شاعرنا العظيم
**
محبة موقعك
يا شربل بعيني الإلك ع الشعر دَيْن
هالناس وقعت بِـ محبة موقعك
إن ما حكيتك كل جمعه مرتين
بحسّ حالي مغلّط.. ومخطي معك
**
غربتو بتسوى وطن
تذكّرت لِمْ كانت الغربه غربتين
ياما قسى الغربه عواطفنا امتحن
حتّى النسر كتّف بسدني الجانحين
شوق وعذاب ودرب مزروعه محن
وين الوطن يبقى وغريب الدار وين
شربل رجع ع مجلّة الغربه فطن
هوّي الإلو ع الغايبين حمال ديْن
شربل بعيني غربتو بتسوى وطن
**
بي الشعر
يا شربل بعيني.. ضمير الحي
حاكى الوجود وقال عا علمي
غلطان هل بيقول منّك بيّ
انت بيّ الشعر والكلمه
**
سلام
مبارح يا شربل شفت طيفك بالمنام
وصرت تحكيني وإضربلك سلام
وكلما شربل على بالي بيجي
بيطلع ع بالي الشعر وبيحلى الكلام
**
حب لولو
لا تقول يا شربل "جِرج" مرّه نسيك
إن جاع قلبي بحب حبّك طعّمو
وشعري أنا تا يصير لايق فيك
ما بحب إلا بحَبّ لولو طعّمو
**
بيتك سفارة
ـ1ـ
شربل.. يا سيّدنا بيطمح للأثير
وبدّو يطير ومش عم بيقدر يطير
صرلو ع تاني جانح يفتّش كتير
وبعد.. ما حن الحرير عْلى الحرير
انشالله.. وانت بيناتنا بهالبلاد
بتزوّجو.. وبيقعد شبينو السفير
ـ2ـ
يا شربل.. كلّنا بلطفك سكارى
قبل ما نسكر بخمر الزّياره
بسيدني، كل شخص بيزور دارك
كأنّو زار من لبنان حاره
الدني بتمحل وما بتمحل فكارك
الوحي من إيدك بيمطر إشاره
بيادر شعرنا غمرت غمارك
مواسم حبّ من قلبك عصاره
عطيت كتير.. والموسم تبارك
يا سبحان الـ بيعطي بهالغزاره
مدري في قمر سهران جارك
مدري جبينك مشعشع مناره
سفير بلادنا ما كان زارك
لو ما للشعر بيتك سفاره
1990
**
رائد الشعّار
ـ1ـ
شربل.. سمحلي بكلمتين زغار
اهمس بإدنك، ع الهدا، وحاكيك
وبدل الزنابق والورد والغار
من النوع يللي بتعبدو.. إهديك
من الشعر.. يللي مسلمك أسرار
مجبور آخد منك وإعطيك
انجربت إغدي وقطّف الأفكار
معبّى السلال وراجع بلاقيك
يا فكر ما بيرتاح ليل نهار
عشقت التعب تا تريّح الشعّار
ع هالمروّه.. ربّنا يقويك
ـ2ـ
تا تكون شعلة ذوق.. شعلة نور
ع الارض ربي من السما بعتَك
إسمَك.. بيعني كتير للجمهور
وفي ناس ع اسمك مبايعتك
إسم شربل.. بالوحي مغمور
مجبور اشهد بعد ما سمعتك
شربل بصومعتو حرق بخور
وانت الشعر بخّور صومعتك
ـ3ـ
من "مجدليا".. وجوها الصافي
طليت.. لوحة شعر شفّافه
انت وعصافيرها رفقَه
قدّيش كنتو تترغلوا قوافي
قلبك ملان بالحب والشفقه
وهمك توعي الفايق الغافي
وبتضل انسانيتك دفقَه
ع الشعر.. ع الإلهام.. منضافه
سيدني 1988
**
مجلة ليلى
ليلى .. بعد ما انطرتها مدِّه
وصلت وورد غْلافها مندّي
هيدي عُصارَه من قلب إنسان
بْيِضمُر لَكلّ النّاس الِمودِّه
هيدي عشيقة شاعر وفنّان
قلب أبيض فوق مسودِّه
ما بتكتب غير عن لبنان
وبتطالب بحقّو ومحتدِّه
صوتو دوي .. وصوت الشعر رنّان
يا ويل كل ظالـم ومتعدّي
عَ وزنتين بمكتبو سهران
وزنه ع وزنه مش عَمِ يْبَدّي
للأوّلي بيقلّها : ولهانْ
وللتّانيِه بيقلّها : كوني
ثورة مواهب .. متل ما بدّي
**
خيرة الأصحاب
شربل بعيني صاحب القلب الرقيق
ع باب قلبي كل ما بإيدو طرق
مهما كنت غرقان بالحلم الغميق
بيمد إيدو بينتشلني من الغرق
وع خيرة الأصحاب إن جرّبت فيق
بلمح بعينيي إسم شربل مرق
ولما إجو ع سيرة الخمر العتيق
ولّفت كاسي وبلّشت شرب العرق
3 كانون الثاني 2014
**
اسم أبيض
سألت الخليقه: مين عندو مصلحه
يمحي اسم أبيض مطعّم بالدهب
ما في حدا إلاّ ومن حالو استحى
وقللي: مش عليي على غيري العتبْ
نحنا ما منبوّس أيادي ولا لحى
وهيدي الدني فيها مقامات ورتبْ
كل الأسامي بتنكتب وبتنمحى
وإسمك يا شربل عا المجرّه بينكتبْ
سيدني، أيار 2014
**
جايزه
شربل بعيني الشاعر العالي المقام
بالشعر ما بيعلى على جبينو جبين
الجايزه منّو متل أرفع وسام
بترهج.. بتلمع عا صدور الملهمين
ويا جميل.. خليك ماشي للأمام
انت وعصام من الأحبّه المخلصين
عرفت نلت الجايزه انت وعصام
وانت وعصام بالشعر منكم قاصمين
**
انت الخميره
ـ1ـ
يا شربل إنت حظ العشيري
ع أهل الشعر أفضالك كتيري
الخميره في لها جوهر أساسي
وبعجنة شعرنا إنت الخميري
ما كنت "بغربتك" هامل وناسي
ما في شاعر تا عنّو فتحت سيري
وما في شاعر تا عندو ظرف قاسي
كنت تهوّن أمور العسيري
صديقي الكنت أرفع فيك راسي
ومصيرك كان مربوط بمصيري
إذا بتفصّل بتعرف قياسي
وانا واياك "كابتن كوك" قبلو
وصلنا واكتشفنا هالجزيري
ـ2ـ
الجمعني فيك يدّك متل يدّي
نبت بكفوفنا زنبق مندّي
اكتشفنا هالجزيره وانت طامح
تخلي الصوت ع الدنيا يودّي
وبأول معرفه شفت الملامح
ع وجّك في صمود وفي تصدّي
قبل ما تغضب بتعرف تسامح
لأنّا هالدني بعينك زهيدي
إذا ما في محبّه وفي مودّي
**
حلو
صعبه كلامك يا بهيه حللو
ويا ما بشر لا حرّمو ولا حللو
شربل أنا رافقت كل مراحلو
لما بيضرب ع الوتر بيدللو
سمعت الحديث وبعد ما سمعت الحديث
قلت الحلو ممنوع يحكي غير حلو
**
شاعر ذكي
يا شربل بعيني الـ إنت شاعر ذكي
يا معلّم سيوف الشعر ع الزكزكه
الإيام بغيابك إذا منحكيلها
ان ما كنت معنى شو إلو معنى الحكي
**
قنديل عيدك
قلب الشعر إلا لشربل ما خفق
انشالله إذا بيسمع كلامي يقبلو
كلما ضوي قنديل عيدك ع الشفق
بستقبلك بالمرحبا وبستقبلو
**
اسم أبيض
سألت الخليقه: مين عندو مصلحه
يمحي اسم أبيض مطعّم بالدهب
ما في حدا إلاّ ومن حالو استحى
وقللي: مش عليي على غيري العتبْ
نحنا ما منبوّس أيادي ولا لحى
وهيدي الدني فيها مقامات ورتبْ
كل الأسامي بتنكتب وبتنمحى
وإسمك يا شربل عا المجرّه بينكتبْ
سيدني، أيار 2014
**
جايزه
شربل بعيني الشاعر العالي المقام
بالشعر ما بيعلى على جبينو جبين
الجايزه منّو متل أرفع وسام
بترهج.. بتلمع عا صدور الملهمين
ويا جميل.. خليك ماشي للأمام
انت وعصام من الأحبّه المخلصين
عرفت نلت الجايزه انت وعصام
وانت وعصام بالشعر منكم قاصمين
**
انت الخميره
ـ1ـ
يا شربل إنت حظ العشيري
ع أهل الشعر أفضالك كتيري
الخميره في لها جوهر أساسي
وبعجنة شعرنا إنت الخميري
ما كنت "بغربتك" هامل وناسي
ما في شاعر تا عنّو فتحت سيري
وما في شاعر تا عندو ظرف قاسي
كنت تهوّن أمور العسيري
صديقي الكنت أرفع فيك راسي
ومصيرك كان مربوط بمصيري
إذا بتفصّل بتعرف قياسي
وانا واياك "كابتن كوك" قبلو
وصلنا واكتشفنا هالجزيري
ـ2ـ
الجمعني فيك يدّك متل يدّي
نبت بكفوفنا زنبق مندّي
اكتشفنا هالجزيره وانت طامح
تخلي الصوت ع الدنيا يودّي
وبأول معرفه شفت الملامح
ع وجّك في صمود وفي تصدّي
قبل ما تغضب بتعرف تسامح
لأنّا هالدني بعينك زهيدي
إذا ما في محبّه وفي مودّي
**
حلو
صعبه كلامك يا بهيه حللو
ويا ما بشر لا حرّمو ولا حللو
شربل أنا رافقت كل مراحلو
لما بيضرب ع الوتر بيدللو
سمعت الحديث وبعد ما سمعت الحديث
قلت الحلو ممنوع يحكي غير حلو
**
شاعر ذكي
يا شربل بعيني الـ إنت شاعر ذكي
يا معلّم سيوف الشعر ع الزكزكه
الإيام بغيابك إذا منحكيلها
ان ما كنت معنى شو إلو معنى الحكي
**
قنديل عيدك
قلب الشعر إلا لشربل ما خفق
انشالله إذا بيسمع كلامي يقبلو
كلما ضوي قنديل عيدك ع الشفق
بستقبلك بالمرحبا وبستقبلو
**
