مارس مهنة التعليم في أستراليا
جبل لبنان يا مهد الحضاره
يا شعلة الإلهام برجالك غني
عن شواطيك حملوا أوّل شراره
مشعالها يشرق على كل الدني
ولليوم بعدا ما نطفت نارا
ولا بتنطفي بمليون سنه
وبسيدني هون في صرح وعماره
بمجدليا المجد صارت تنبني
وصارت تزيد ع المبنى حجاره
بِظْروف صعبه كتير.. منّا هيّنه
ومن هالحكي المليان رح نقّي عباره
تا أوصف اللي الشعر من شعرو جني
بيوت الشعر لوّنها بمهاره
وكل همّو بس فيها يعتني
وجان ألفا كرّمو بحب وطهاره
بوسام الأرز عن حقّ وجداره
وشربل بعيني صار غربه مزيّنه
صوت المغترب، العدد 842، 18 تموز 1985
**
