 |
| شاعر لبناني وأحد أعضاء جوقة المسرح الزجلية |
ـ1ـ
يا شربل بعيني إنت قربي
متل قرب الروح للإنسان
عندك وطن عايش بهالغربه
وعندك.. بِـ عينيي شفت لبنان
ـ2ـ
يا عصام.. الشعر منّك بسمعو
وشربل بعيني.. متل عيني مطلعو
إنت الجبل قاعد ورايي يا عصام
حتّى السهل قدّام منّك نقشعو
ـ3ـ
يا شربل إنت محنك
رح يبقى بعيني فنك
ومهما تطول المسافات
مش ممكن إبعد عنك
ـ4ـ
يا شربل قلبك انسان
بينبض بشعور الفنان
بتستاهل وسام الارز
لأنك أرزة لبنان
ـ5ـ
بعرف شربل البعيني
رجّح بالشعر العيني
بعيشو بقلبي ليل نهار
وبشوفو نظره بعيني
ـ6ـ
يا شربل إبن بعيني
العينه بترجّح عينه
صوّرت بعينك بيروت
طلعت صورتها بعيني
ـ7ـ
يا شربل عيدك عيدي
وإبداعك كلمه جديده
ميلادك ميلاد الشعر
وعمرك أجمل قصيده
يا شربل إنت محنك
رح يبقى بعيني فنك
ومهما تطول المسافات
مش ممكن إبعد عنك
ـ4ـ
يا شربل قلبك انسان
بينبض بشعور الفنان
بتستاهل وسام الارز
لأنك أرزة لبنان
ـ5ـ
بعرف شربل البعيني
رجّح بالشعر العيني
بعيشو بقلبي ليل نهار
وبشوفو نظره بعيني
ـ6ـ
يا شربل إبن بعيني
العينه بترجّح عينه
صوّرت بعينك بيروت
طلعت صورتها بعيني
ـ7ـ
يا شربل عيدك عيدي
وإبداعك كلمه جديده
ميلادك ميلاد الشعر
وعمرك أجمل قصيده
ـ8ـ
تسلم يا رمز الشعار
شربل والنسبه بعيني
مهما جد ومهما صار
بتبقى بقلبي وبعيني
تسلم يا رمز الشعار
شربل والنسبه بعيني
مهما جد ومهما صار
بتبقى بقلبي وبعيني
ـ9ـ
يا شربل فجرك هادي
ونشاطك فوق العادي
أعمالك مجد التاريخ
وجبينك أرز بلادي
يا شربل فجرك هادي
ونشاطك فوق العادي
أعمالك مجد التاريخ
وجبينك أرز بلادي
**
قصيدة في حفل توقيع كتاب د. بهية ابو حمد: شربل بعيني منارة الحرف
ـ1ـ
يا دكتوره بهيه بكل حاره
إلك بيت.. وإلك صرح وعماره
ضمير المعرفه بمجدك تهنّى
وجمع فيكي الثقافه والشطاره
عطيتي الفكر أكتر ما تمنى
مشاعل للتراث وللحضاره
ورفعتي العدل عا شفار الأسنه
وجبرتي الدهر يوقف عا الإشاره
وبسدني الشعبها بفضلك تغنّى
ما بنسى كيف زرناكي زياره
حضنتي الشعر وليالي المعنّى
وفتحتي للزجل قلبك سفاره
والإستاذ شربل شخص منّا
بعيني.. وشايفو بعيني عباره
منارة حرف منعدّو بوطنّا
وإنتي متل قدموس الجبيلي
حروفك بحر ودماغك مناره
ـ2ـ
يا دكتوره حضور الفكر سايد
غني الأخلاق والسمعه الحميده
عزمنا الناس وفلشنا الموايد
وطلعت سفرة الكلمه مديده
قبل اليوم جمّعتي الحصايد
وكانوا قلامك مناجل حصيده
لأنو كان خير الفن زايد
طموحك كرّم مواهب عديده
أفضل اسكت وإبقى محايد
وما انظم مقطع بفكره جديده
بعد هالعمر غيّرت العوايد
ما فيي اليوم انظملك قصايد
ما إنتي أجمل وأروع قصيده
ـ3ـ
بأسوأ ظروفي شفتك بقربي
وحملت عا ينبوعك القربه
ولو ما سكبتي المي للعطشان
كانت بصدري مشلشه الحربه
يا حكاية الابداع بالإنسان
يا جنينة الإلهام عا دربي
كتابك رجع غربه على لبنان
انشالله الوطن يرجع من الغربه
ـ4ـ
كتابك حكي عن شربل بعيني
برعم بقلبي وزهّر بعيني
والفكر فكّر يستغل الظرف
حتى الكلام يرجّح العينه
يا بارعه بعلم النحو والصرف
قسمت القواعد بينك وبيني
ومطرح ما بيدوخ الوحي بالحرف
من كل صحرا بتخلقي واحه
وبكل بيت بتزرعي جنينه
**
قصيدة في حفل توقيع كتاب د. بهية ابو حمد: شربل بعيني منارة الحرف
ـ1ـ
يا دكتوره بهيه بكل حاره
إلك بيت.. وإلك صرح وعماره
ضمير المعرفه بمجدك تهنّى
وجمع فيكي الثقافه والشطاره
عطيتي الفكر أكتر ما تمنى
مشاعل للتراث وللحضاره
ورفعتي العدل عا شفار الأسنه
وجبرتي الدهر يوقف عا الإشاره
وبسدني الشعبها بفضلك تغنّى
ما بنسى كيف زرناكي زياره
حضنتي الشعر وليالي المعنّى
وفتحتي للزجل قلبك سفاره
والإستاذ شربل شخص منّا
بعيني.. وشايفو بعيني عباره
منارة حرف منعدّو بوطنّا
وإنتي متل قدموس الجبيلي
حروفك بحر ودماغك مناره
ـ2ـ
يا دكتوره حضور الفكر سايد
غني الأخلاق والسمعه الحميده
عزمنا الناس وفلشنا الموايد
وطلعت سفرة الكلمه مديده
قبل اليوم جمّعتي الحصايد
وكانوا قلامك مناجل حصيده
لأنو كان خير الفن زايد
طموحك كرّم مواهب عديده
أفضل اسكت وإبقى محايد
وما انظم مقطع بفكره جديده
بعد هالعمر غيّرت العوايد
ما فيي اليوم انظملك قصايد
ما إنتي أجمل وأروع قصيده
ـ3ـ
بأسوأ ظروفي شفتك بقربي
وحملت عا ينبوعك القربه
ولو ما سكبتي المي للعطشان
كانت بصدري مشلشه الحربه
يا حكاية الابداع بالإنسان
يا جنينة الإلهام عا دربي
كتابك رجع غربه على لبنان
انشالله الوطن يرجع من الغربه
ـ4ـ
كتابك حكي عن شربل بعيني
برعم بقلبي وزهّر بعيني
والفكر فكّر يستغل الظرف
حتى الكلام يرجّح العينه
يا بارعه بعلم النحو والصرف
قسمت القواعد بينك وبيني
ومطرح ما بيدوخ الوحي بالحرف
من كل صحرا بتخلقي واحه
وبكل بيت بتزرعي جنينه
**
