شطارة شربل بعيني/ مخايل عيد القزّي

شاعر مهجري يعيش في سيدني

نحنا رجال الشعر بجنينه

فرفحت قلبي.. نوّرت عيني

فيها اجتمعنا كاتب وفنّان

وصارت "الغربه" عندنا لبنان

بحبّ وشطارة شربل بعيني

**
إسم معروف
إسمك إسم معروف بِ كل الدني
منو مشعشع عالدني نورو الثني
ومار شربل فيك دوم بيعتني
حتى تضل مفرفح وعيشك هني
ومني إلك رده زغيره مدوّزنه
تا يسمعوها الناس من باني وبني
بغربتك صوّرت لبنان الحبيب
ومين متلك بالوطن عم يعتني
وشكراً لك أيها العزيز شربل بعيني ولكل الأصدقاء.
**
شو ما صار
هالغربه القدّام عيني
شو ما صار بينا وبيني
كلما فتحتا يا إخوان
عم تحملني عَ لبنان
برفقة شربل البعيني

**
تقدير
يا بعيني إلك تقدير
بقلبي قد الأرزه كبير
بإسمك وبلطفك
عم بعتز كتير كتير
**
صوت الغربه
صوت الغربه يا إخوان
لشربل البعيني الفنّان
هالـ بِـ فـنـّو وخيالـو
خلّى الغربه تصير لبنان
**
أوطان
الغربه ما عادت غربه
صارت أوطان
بِقُرْبَكْ شربل وبقربي
نحنا بلبنان
**
شاعر الشعّار
يا شاعر الشعّار يا فنّان
رمز المحبه ومرجع الإيمان
يا شربل بعيني الوفا بعينيك
هيك بدنا رجال متلك هيك
يضلّوا يحبوا من القلب لبنان
الفايس بوك 2017
**