 |
| شاعر مهجري راحل |
ـ1ـ
رفيق الدرب يا شربل أخونا
وحامل راية الشعر وشؤونا
الزجل علّيت قدرو بمغتربنا
ومعنا مقاوم اللي خرّبونا
منشكر فضل ألله اللي وهبنا
وبعدو منشكر الكتبن هدونا
وانت منهن عم تقدّر أدبنا
متل ما كتار متلك قدّرونا
وإلنا الفخر لو مرة انصلبنا
البيغارو مش عجب لو يصلبونا
وشو قيمة ما كتبت وكتبنا
اذا بمبدا التسامح عيّرونا
ـ2ـ
نحن شعّار منسجل عتبنا
على رفقه وحبايب أهملونا
وما تتعجّب اذا بدينا عجبنا
بندوة شعر عم تتجاهلونا
أملنا انهز لكن ما انقلبنا
اقتلونا أفضل ولا تبعدونا
كأنو بالشعر ضايع حسبنا
وهللي شاركو ما بينسبونا
ونحنا الكون مستحلي عنبنا
وعشاق الزجل بيقدسونا
انعصرنا بتم هالحلوين دبنا
ومع كاس العرق عم يشربونا
ـ3ـ
إذا غبنا بالجسد بالشعر جبنا
سلام وحب للي بيسمعونا
وبحق الأكثرية ما طلبنا
رفاق الدرب حق يطالبونا
وتا ما يقولو سدى ضايع لقبنا
وتا ما يشمتو ويجرصونا
ولولا بقيامتكن ما انكتبنا
برشف الكاس لنّو تذكرونا
لا بتكونو انغلبتو ولا انغلبنا
اذا بتعوّضو وبتجابرونا
نا ننسى اللي مضى ونطفي لهبنا
بفرحة شربل منجمع العصبه
ومنلبّي اذا رح تعزمونا
البيرق، العدد 205، 11/5/1990
**
بمناسبة نجاح مسرحية ضيعة الاشباح
مهداة الى الصديق الكبير الشاعر الملهم شربل بعيني
ـ1ـ
شعرك يا شربل نادر وجودو
بالاغتراب، وفايحه ورودو
اسمك "بعيني" وبالقلب بالذات
وبتدل ع الاخلاص وبنودو
ألله عطاك وبحبح الوزنات
وكلّك وفا وما خنت بعهودو
وعبّى دهب تفكيرك الخزنات
تا كسرت طوق الوزن وجمودو
وعاشق التراث بفضل بو الهمّات
بأجمل دراري مرصّع عقودو
وصار الشعر يعتزّ بالحفلات
والمكتبات يقدرو وجودو
ـ2ـ
قلبك يا شربل ترجم النغمات
متل الوتر لو حن ع عودو
البسمه اللطيفه وخفّة الدمّات
بتشكر عطا الرحمان ع جهودو
يا مقدّر رفاقك بالمهمات
تا يتّبتو الأقدام ويسودو
ويا مساعد بلادك بالملمات
موحّد أماني الشعب بصمودو
ومهما تجيب وتخلق الإمّات
صعبه بمتلك عبقري يجودو
ونحنا الرفعنا الشعر بالحزّات
وكنّا سلاح الفكر وجنودو
بدنا نضل نقاوم الهزّات
حتى الوطن تتكسّر قيودو
وألله يقدّرنا لوفا الدينات
للجاهدو تا يحطمو الاوثان
ونشجع اللي هاجرو يعودو
البيرق، العدد 255،20/7/1990
**
داغر وبعيني
ـ1ـ
خود تشاكك يا عيني
صدّقني ما هو بعيني
الجماعه ما عندن فرق
ما بين داغر وبعيني
ـ2ـ
يا شربل نحنا شريكين
وبالحفله كنّا ديكين
لازم يهدونا تشاكين
بيكفي رجّحنا العينه
ـ3ـ
يا شربل بوجداني
عرفتك شاعر إنساني
انشالله بالندوه التاني
بتفرج بينك وبيني!!
ـ4ـ
لا تقول جيتك ع غفله
ومش ناطر تا تزقّفلي
بكرا انشاللـه بالحفله
بتسمحلي أوفي ديني
**
بمناسبة نجاح مسرحية ضيعة الاشباح
مهداة الى الصديق الكبير الشاعر الملهم شربل بعيني
ـ1ـ
شعرك يا شربل نادر وجودو
بالاغتراب، وفايحه ورودو
اسمك "بعيني" وبالقلب بالذات
وبتدل ع الاخلاص وبنودو
ألله عطاك وبحبح الوزنات
وكلّك وفا وما خنت بعهودو
وعبّى دهب تفكيرك الخزنات
تا كسرت طوق الوزن وجمودو
وعاشق التراث بفضل بو الهمّات
بأجمل دراري مرصّع عقودو
وصار الشعر يعتزّ بالحفلات
والمكتبات يقدرو وجودو
ـ2ـ
قلبك يا شربل ترجم النغمات
متل الوتر لو حن ع عودو
البسمه اللطيفه وخفّة الدمّات
بتشكر عطا الرحمان ع جهودو
يا مقدّر رفاقك بالمهمات
تا يتّبتو الأقدام ويسودو
ويا مساعد بلادك بالملمات
موحّد أماني الشعب بصمودو
ومهما تجيب وتخلق الإمّات
صعبه بمتلك عبقري يجودو
ونحنا الرفعنا الشعر بالحزّات
وكنّا سلاح الفكر وجنودو
بدنا نضل نقاوم الهزّات
حتى الوطن تتكسّر قيودو
وألله يقدّرنا لوفا الدينات
للجاهدو تا يحطمو الاوثان
ونشجع اللي هاجرو يعودو
البيرق، العدد 255،20/7/1990
**
داغر وبعيني
ـ1ـ
خود تشاكك يا عيني
صدّقني ما هو بعيني
الجماعه ما عندن فرق
ما بين داغر وبعيني
ـ2ـ
يا شربل نحنا شريكين
وبالحفله كنّا ديكين
لازم يهدونا تشاكين
بيكفي رجّحنا العينه
ـ3ـ
يا شربل بوجداني
عرفتك شاعر إنساني
انشالله بالندوه التاني
بتفرج بينك وبيني!!
ـ4ـ
لا تقول جيتك ع غفله
ومش ناطر تا تزقّفلي
بكرا انشاللـه بالحفله
بتسمحلي أوفي ديني
**
