 |
| شاعر مهجري يعيش في سيدني |
وبكل شربه بتزرع جنينه
فلفش الدنيي ما ترك مطرح
غلّ بحواسي تملّك الدينه
بشعرو الرقيق الخاطر بيجرح
وع الشعر بعرف في إلو دينه
لشربل بـ عيني عمّرت مسرح
البيحب يعرف وين بيشوفو
يفتّش ع مسرح شربل بعيني
**
شو بخبّرك؟
شو بخبّرك يا شربل بعيني
وعقلي بيقلّي ضاع تلتيني
وخط الوعود الْبَيْنَك وبيني
تلّج وبعدو الصوت بالدينه
ولمّا عرفت ع الارض ما بلاقيك
فتّشت عيني لقيتك بعيني
**
شو بخبّرك؟
شو بخبّرك يا شربل بعيني
وعقلي بيقلّي ضاع تلتيني
وخط الوعود الْبَيْنَك وبيني
تلّج وبعدو الصوت بالدينه
ولمّا عرفت ع الارض ما بلاقيك
فتّشت عيني لقيتك بعيني
**
منارة
حفل توقيع كتاب الدكتورة بهية ابو حمد: شربل بعيني منارة الحرف بتاريخ 18 اذار 2023
ـ1ـ
بـ سيدني بلادنا فاتح سفاره
للمعنّى ومقامو بالصداره
المجد بهيبة شموخو تفيّا
وأدّالو التحيّه عن جداره
الدنيي بتشهد بإمّا وبيّا
بسفيره للسلام وللحضاره
شربل شاعر المن مجدليّا
مناره.. وبو حمد شهدت لأنّو
المناره بتشهد بنورا المناره
ـ2ـ
للصبح لمّا بتقرب الساعه
بيصفر خدّا جبهة الظلمه
وإيد الشمس بتمدّ سمّاعه
تكشف ع ضغط المحبره بقلمي
ولمّا السفيره حجزت القاعه
بعلم الحضور المعنوي وعلمي
دين الوفا مسيوط بالطاعه
وأمري أيادي الطب مستلمه
ونادت بهيه وواجبي داعا
ساعات اغفى مفتّح وساعه
إكبس ع جرحي واكتب الكلمه
ـ3ـ
والدني جنينه معقّده فيها الأمور
تراب وشجر وصخور عملاقه ونبات
ومي وهوا ووحوش مفترسه وطيور
وانسان منّو كامل بحسن الصفات
في ناس مرقو بالارض زرعو شرور
بيتوارتو لعنات من بعد الممات
وفي ناس بدل الجهل زرعو حروف نور
بيستاهلوا التكريم ع قيد الحياة
ـ4ـ
مبارح سألني عابر مجرّد سؤال
عن شاعر البيكون شاعر معتبر
ما سمعت كامل وصّل لحدّ الكمال
إلا الخالق وبكمالو ما ظهر
لكن في شاعر صدق قولو رأس مال
كلما اجتمعو الناس اسمو بينذكر
قبالو الصوره بتمرق بسرعة غزال
بتعلق بمتحف معرضو بين الصور
ـ5ـ
بالغرب بعدو الشعر شامخ بالفضا
ما شفت شاعر كدّ تا نال القرب
وبعدا النقابه مجد عزّا ما انقضى
لولا النقيب المعتبر عمرو غرب
عين الوطن ع الشعر منها مغمّضه
كتاب المناره وقت توقيعو اقترب
لبنان جايي مع محمد مرتضى
يبارك لشربل ولبهيّه بالكتاب
والسفرا من كل بلدان العرب
ـ6ـ
وآخر كلامي يا وزير ببوس
جبينك.. سمحلي قول شو بقصد
لبنان وزّع ع الشعوب دروس
عز وكرامه اليوم عم يشحد
ابنو المهاجر عم يودّي فلوس
وبأمر أهلو المادي تعهّد
الحكام قلّن تلج الناموس
ما عاد فينا نسكت ونحقد
مطرح ما طار الحرف مع قدموس
نامت الغبره ع شطوط جبيل
وأم الشرايع لابسي أسود
