شربل الكلمة/ جوج ابو انطون

الشاعر جورج ابو انطون نقيب شعراء الزجل في لبنان يكرّم شربل بعيني باسم النقابة عام 2016

أصدق التمنيات بالميلاد المجيد والعام الجديد الى صديقي الشاعر والأديب والصحافي شربل بعيني، والشكر له ولمجلة الغربة في اوستراليا، على نشر هذه الصورة التي ترافقت مع كلمات طيّبة وصادقة مقطوفة من قلب محبّ.

وبالمناسبة أقول: عندما تعرّفت على الصديق شربل في سيدني هذا العام، وجدت فيه شخصاً شغوفاً، يعيش في صومعة الشعر والزجل والأدب والصحافة، مترهّب للكلمة الصادقة والهادفة، معطاء، وحاضر في جميع المناسبات، فأرتجلت له بيتاً زجلياً ما زلت أذكره:

يا شربل بعيني، ويا عيني

الدنيي بعينه،، وانت بعينه

شربل التقوى: شربل القدّيس

وشربل الكلمة: شربل بعيني

والى الملتقى بمشيئة الربّ

الفايس بوك ـ ميلاد 2016

**
رسمك
يا شربل الْـ من كلمتك ما بينشبع
المبدا الغني من نبع ايمانك نبع
رسمي جنب رسمك طبعتو عالكتاب
متل ما اسمك على قلبي انطبع
الفايس بوك 2016
**
محنّك
شربل.. عم يصدح فنك
وبرسم الكلمه محنك
رمحي حتى يشك منيح
لازم سنو عا مسنك
الفايس بوك 2017

**
إيمان
يا شربل انت الايمان
وحامل بالشهره بعيني
نحنا صرنا بـ لبنان
وبعدك ساكن بـ عيني
**
أغنية يا بيروت
بيروت خلقت للحلا مرايات
بكل قلب وعين صورتها
شربل كتبها للوفا آيات
مجدي عطاها صدق نغمتها
تحت البحر غرقت سبع مرّات
ورجعت سبع مرّات هيبتها
**
عمر جديد
شربل عايدني بهالعيد
وقَلّـي بعمرَك الله يزيـد
رح إطلبلـو مـن رَبّـي
اللـي عَـلَّمنـا لـ محَبّـي
يزيد بعمرو عمر جديد
**
يوم استلامه جائزة شربل بعيني

حتى بكلمة حق يرتاح الضمير
وحتى المبادي عالحقيقة تقودنا
وتا يكتبو لـ عم يرسمو درب المصير
قدّيش بالتاريخ حجم وجودنا
عالخارطة لبنان بتشوفو زغير
لكن متى فلفشت عمر جدودنا
بتشوفنا تاريخ بالمبدا كبير
ومعهد جبيل الأبجدية عم يقول
آخر حدود الأبجدية حدودنا

يا شعر يا عايش بـ إلهامي
ومن كلمتك حققت أحلامي
الحداد عيله في لها تقدير
وتقديرها من الناس إلزامي
جايي تا قول بأصدق التعبير
يرحم عصام لـ كان عصامي
والله يخلي مراية التفكير
سامي اللي عم يحمل قَدْر سامي
------
صرلي سبع تيّام بتهيّا
تا قول كلمه إمها وبيّا
نزلو سوا من قبّة المريخ
وقالو بهيّة ما انوجد زيّا

بهية ارزة مجد ما بتشيخ
خلقت تريّا وبعدها تريّا
وحتى زجلنا يدخل التاريخ
بكل دولة من دول هالكون
بدّو سفيرة متل بهيّة

وحياة يللي قَـلّها كوني
وكانت وصارت أرض مسكوني
شربل بعيني للفكر ميزان
مِنّو الصحافة تشبّعت موني
شربل بعيني للوفا عنوان
عيونو عا درب النور دلّوني
شربل بعيني قيمة من لبنان
درعو وتكريمو وتقديرو
عزّ وكرامه ومجد عطيوني
**