 |
| شاعر لبناني معروف |
ـ1ـ
من يوم من يومين من عمر الشباب
شربل بعيني شق بالشعر الضباب
تأكدت لما شفت هالصورة الك
راسك علم لبنان وجبينك كتاب
ـ2ـ
يا شاعر البقصور كلماتو قطن
لا تخاف مابيقوا على شموخك زمن
تطلع وشوف العاملو بسبعين عام
حامل شعر عا كتافك وحامل وطن
**
خلي الدمع بالعين
خلي الدمع بالعين يا مروان
بتضل عينك صافية بتقشع
طينك انت مجبول بالوجدان
لعندو كرامة حكيك بيسمع
ما اعتدت شوف الارز والسندان
قبال العواصف بالجرد يركع
وعا منبرك ما شفت غير انسان
هز الدني والعز ما ضيع
من هيك شربل عن وفا وإيمان
سماك قاضي الشعر والمقلع
ومارق تا قلك كلمتي بتحنان
شوف بدموعك ضمير الشعر
مش عا الارض ، بقلوبنا يوقع
**
