مش عارف كيف ومن وين رح بلّش بكلمتي، انما بقلّك اني رج احكي معك باللهجه اللبنانيه يلّي منعتز فيها متل ما منعتزّ ببلادنا، بالرغم من كل يلي صار على ارضا. ورح نرجع بإذن الله.
شربل بعيني،
اسمحلي احكي معك متل أخ إلي، لأن الناس اللي بيعطوني اهتمامهن بحكي معن وبعتبرهن متل الاخوة. بالنهايه نحنا كلنا اخوه بالحياة.
مش رح طوّل عليك بالكلام، ومتل ما بيقولوا انو خير الكلام ما قل ودل، لهالسبب أنا بدي اشكرك لأنك فكّرت فيّي بزاوية "ستوب" بالجريدة، ومش أنا بس عم اشكرك، كمان بشكرك بإسم زميلي وصديقي غسان الرحباني، والأب الروحي إلي الاستاذ الياس الرحباني، يلي ذكرتن كمان بلفتة مميزة.
الشكر مش رح يكون بس على الورق، انشالله بأقرب وقت منجتمع مع بعضنا، وأكيد الجلسة رح تكون مطوّلة، ورح نستفيد منها بأشياء كتيرة من ثقافتك، وحبك للناس.
بالمناسبة، انشالله تكون الاستاذة سوزان بعيني من الاقارب، لأنو انا وياها من أعز الاصدقاء، ونحنا منفتخر فيها بلبنان.
كلمتي الأخيرة رح تكون الى اللقاء، ورح ارفقها بقبلة شكر من أخ لخيّو.
صديقك الجديد
جاد
سيدني 1989
سيدني 1989
**
