 |
| شاعر زجلي لبناني معروف |
ـ1ـ
يا جبيل إنتي للمجد قجّه
وتاريخ عامل بالدني ضجّه
عطيتي الدني حجّة حضاره ونور
إنتي الحضاره وحرفك الحجّه
وعن شطّك الجوّات سبع بحور
حرفك ما خلاّ بحر أو لجّه
والحرف منّك والشعر مسرور
ولحد هلّق بعدها الموجات
بتكتب شعر والشط بيهجّي
ـ2ـ
جبيل الغنيّه حروفها فرجه
وقيمه بكل الكون مندرجه
وانتو يا بيت حداد بالإجماع
طلعنو المجد كلّو بغرد درجه
دكتور عصام الفكر والإبداع
بفن الأدب والشعر جوهرجي
غافي بصفحات الكتب إبداع
ومزهّره بصفحاتها مرجه
الحدّلد صاحب كار إسمو شاع
بدقّ الحديد وكان بهْورجي
لكن ع وهج الحرف والإشعاع
لا قرّب ولا كان يسترجي
وانتو يا بيت حدّاد عين كفاع
للأبجديه معهد عملتو
ومن كار للتاني تنقلّتو
صغتو حروف جبيل وصقلتو
الحدّاد باقي بهالدني حدّاد
وحدّاد عين كفاع جوهرجي
ـ3ـ
.. وشربل بعيني كتابك جنينه
بقرا سطر وبقول يا عيني
كتبتو بماء التبر مش بالحبر
الإبداع فيه مرجّح العينه
في ناس عنّا بيغرقوا بـ شبر
ميي.. الحكي ما بينك وبيني
البيحب يغرق بالدهب والتبر
يقرا لبهيّه بو حمد لمّا
بتكتب دهب عن شربل بعيني
ـ4ـ
تشرّف زجل لبنان والخالق حمد
لمّا تعرّف ع بهيّه بو حمد
ولو ما تعرّف ع الجماعه الطيّبين
أمثالك.. المنبر الشعري ما صمد
انتي عطيتي الشعر من روحك حنين
وبركان عاطفتك تجاهو ما خمد
وع المقلب التاني أخدتي المبدعين
وبأرض سيدني المنبر عليكي اعتمد
بذوقك الراقي اليوم صرنا مؤمنين
القربان عنّا بينصمد بكنيستو
وذوقك مع القربان عنّا بينصمد
**
