 |
| شاعر زجلي لبناني معروف |
ـ1ـ
كل ما وقف ع المنبر الفنّان
مفروض يترك مطرحو مليان
وشاعر يروّض لعبة التفكير
وتكون كلماتو دهب رنّان
كتابك يا دكتورة وفي التصوير
لشربل بعيني والوفا عنوان
يا مصر "يا بهيه" شو غنّوا كتير
نا إسمها صفّى بكل مْكان
وعنّا بهيه الذوق والتقدير
من أرض صغبين المجد والعز
حملت على الغربه مجد لبنان
ـ2ـ
مرّه دخلت بالشعر ع جنينه
بلشت إقرا وقول يا عيني
الكلمه بقيمة لمعة الإلماس
وكلمه حلاها رجّح العينه
وكلمه بسيطه بقمة الإحساس
وكلمه حنونه بتطرب الدينه
وكلمه متل خمرة أبو النوّاس
بتسكر وعم تضرب أنا ويني
لمين هالأشعار سألوا الناس
من قبل ما ذكروا الإسم.. وعرفت
هيدي قصايد شربل بعيني
ـ3ـ
المعهد خلق للأبجديه حرف
تأثّر بنخبه معيّنه الحدّاد
و"عصامنا" رب النحو والصرف
تخلّد بفكرو بكل دار وناد
وليش يا دوله تغضي الطرف
وما تساعدينا برحمة الأجداد
معهد إجا مش للطبخ والصرف
معهد علم علّم حرف قدموس
وللأبجديه رجّع الأمجاد
**
منارة حرف
بإسم النقابة من زجل لبنان..
منشدّ عا إيدِك يا دكتورة..
الصورة بهيّة وواضح العنوان..
بشعر وتُراث مزيّنة الصورة..
حرّة خلقتي للوفا ميزان..
بغربة ووطن بالقلب محفورة..
كفّة بوطنّا،الحبّ والإيمان..
شافِت زجلنا تلال ونسورة..
وكفّة بغربة الجوهر الرنّان..
بكلّ شاعر البمقام اسطورة..
همزة وصل للشعر والأوزان..
والشكر من لبنان والمهجر..
ومن كلّ أهل الشعر مشكورة..
....................
كتابِك منارة حرف شو بقلّو..
لمّا السواري عالسُفن علّو..
قدموس خلّى هالدني جنينة..
والكون عاش لحرفنا بظلّو..
شربل بعيني سدّد الدينة..
بنحْت الحرف تعبير عا حلّو..
شربل بعيني بيطرب الذينة..
هالإسم لمّا إنت توصلّو..
بقرأ حروفو اللامعة بعيني..
بقلبي وبعيني حروف بيغلّو..
وكلما بنادي شربل بعيْني..
شربل بِعيني عالعمر بيظلّ..
وبالقلب مابيتغيّر محلّو..
..................
وشعّارنا بالمهجر ويا كبار..
الكم تحيّة من وطن جبّار..
إنتو رفعتو إسمنا عالغيم..
بسدْني الوفيّة وكلّ هالأقطار..
إنتو اللي شلتو عن بلادي الضيم..
شعّار كنتو وبعدكم شعّار..
بيناتنا لو في فرق ب time..
بتظلّ ساعات القلوب تدقّ..
لحن الوفا عا نغمة الأوتار..
......................
بقاعِة كفر حلدا وقت ما قريت..
حسّيت عالضيعة الحبيبة جيت..
بحيٍّي الوزارة وجفنها السهران..
وجُهود إحياء التراث ما نسيت..
ومجلس سفراء العرب عنوان..
وأهل الوفا منّي القوافي هديت..
بإسم النقابة بصدق وبإيمان..
وقال المثل تقدر وكلما نويت..
نويت إبقى هيك وين ما كان..
شاعر رفيق الشعر والشّعار..
بالمهجر ولبنان مهما صار..
كلما على وجّ الحياة بقيت..
**
