جائزة شربل بعيني/ حنا الشالوحي

شاعر مهجري فائز بجائزة شربل بعيني

تهنّوا يا أصحاب الجوايز وافرحوا

مفهوم من بعد التعب رح تنجحوا

لكن بيعود الشكر للعطيوا الثقه

وليلى.. بجدولها الأسامي رجّحوا

أدواركم كانت كبيره وعايقه

وتراقبوا وين الغلط وتصحّحوا

وكانت مواقفكم شريفه ولايقه

والـ بيستحقّوا المدح كنتو تمدحوا

ولو ما تحلّيتو بطباع الرايقه

والغير.. كنتو شعورهم ما تجرحوا

ما توصّلتو ع رتبه فايقه

وع الأساس من الأصل عم تطمحوا

وما زال فيكم هالعقول الشارقه

وأفكار في دنيا الخيال بيسرحوا

وأقلام عم ترسم خطوط معرّقه

انشالله تضلّوا دوم قدوه للقيم

ومن شربل بعيني جوايز تربحوا

1998

**

رمز المحبة

يا شربل بعيني زغر سنّك

بيشهد بأنّك بالوعي معجون

بتمدح جميع الناس لكنّك

بتحارب العم يكسرو القانون

رمز المحبّه منعرفك إنّك

ولمجلّة الغربه قلب وعيون

البيكون آخد جايزه منّك

بالمجتمع شربل ضروري يكون

2013

**

غرام

لشربل بعيني يا بشر قولوا

إنّو بغرامو تشرّف الإنسان

وحنا الشالوحي سامع طبولو

الْـ دقّاتها بترقّص الهجران

**
حنا وشربل
يا شربل بقلك بتليتني
قلال اللي عرفوا وينك وويني
بحب الصداقه القايمه ع اصول
توفي بقلب المجتمع دينه
الانسان هللي بالوفا مجبول
بينقال عنّو ألف يا عيني
وحنا الشالوحي للملا بيقول
مش كل مين حامل اسم شربل
بينقال عنّو شربل بعيني
عيد ميلاد 2013
**
الى روح سعيد عقل

لبنان.. ناح النسر عَ جبالو
واصفر لون الزهر عَ تلالو
والشعب بالو ملبّك ومشغول
دار الزمان بعكس آمالو
بغيبة سعيد العقل مش معقول
يطيب الشعر والعيش يحلالو
مين اللي بعدو عَ الأدب مسؤول
وبيقدر يحافظ عَ رسمالو
صارالفكر.. أوسع مكان يجول
وتفرك يمين الواقع شمالو
والكان مغروم بظريف الطول
ما عاد يخطر حب عَ بالو
سمعوا.. بعد ما الحزن دق طبول
وقالوا انطفى لبنان مشعالو
صوت من تاني دني بيقول:
سعيد عقل بجيرتي وع الأرض
شربل بعيني تارك بدالو

الغربة 2014
**
يوبيل جائزة شربل بعيني الفضي
ـ1ـ
من جبيل يا حروف الهجائيه
بحرتي وع كل الكون سافرتي
وبالانفتاح ومَحُو الأميّه
نجحتي وعقول الناس نورتي
وع الجهل كنتي سهام مرميه
وخير الدّعا الأفكار حررتي
وثورة وعي ضد العبوديه
وحرية التعبير قررتي
يا جوانح الفكر الخياليه
شبقتي وعلى ابعد مدى طرتي
وبمدينة جبيل الفينيقيه
أسس إلك معهد عصام حداد
بحيثك بفجر جديد بشرتي
ـ2ـ
وشربل بعيني واكب التيّار
وع الأبجديه ونشرها بيغار
صاحب إذاعه بدنية الغربه
العم يسمعوها ويشكروها كتار
بتجلي هموم فكار مضطربه
وبتزرع الفرحه بِقلب الدار
وناس اللي كانوا بلغة الحربه
يتكلموا صاروا من الأخيار
ويا مغترب ضلك معي وقربي
تعرّف على شربل بعيني الصار
يزرع ورود بدربك ودربي
ونربح ع إسمو جايزه بتلبق
ع صدورنا للأبجديه شعار
ـ3ـ
بقصر الأونيسكو بهالسنه شفنا
نخبه من الشعّار والإعلام
الشعّار من خيرة معارفنا
رجال الوحي والشعر والإلهام
ويا ما مع "المسرح" تكيّفنا
ونسهر ع نغمة جوقتو وما ننام
ل "الياس" و"سعاده" تلهفنا
نسمع زجل ما سمعتو الإيام
ولجورج بو أنطون زقفنا
أشرف نقيب الرب عزو دام
ويا روبير خوري عنك عرفنا
داعم كيان الشعر مش هدّام
وصاحب مجلة شعر عرّفنا
عليها رجال الفكر والأقلام
ويا مية أهلا ومرحبا هتفنا
بالإعلاميه الثغرها بسّام
ليليان.. وزياده تشرّفنا
بشوقي البـ فنو حقّق الأحلام
اتحدوا سوا وقالوا تحالفنا
نحنا و"بهيه" وصدرت الأحكام
والواجب بهالعيد كلفنا
بالجايزه مع شربل نعيّد
بيوبيلها الخمسه وعشرين عام
2017
**
وج الحلو
يا شربل بعيني يا بو وج الحلو
البالخير كل معارفو بتدعي إلو
الرقم اللي عرّف عن سنينك يا صديق
عقبال لمن بالسلامه تدوبلو
**