 |
| شاعر مهجري يعيش في سيدني |
وع رسم ماضي تكتب المحضر
بتنحت الريشه بغربتك عنوان
شربل كتب تاريخ بالمهجر
**
قمر لبنان
تطلعت ع الصوره شفت إنسان
شربل بعيني الـ بالعطف مليان
وشفت السما ب الشوق محروره
نزلت تا حتى تبوّس الصوره
وتاخد البركه من قمر لبنان
**
**
قمر لبنان
تطلعت ع الصوره شفت إنسان
شربل بعيني الـ بالعطف مليان
وشفت السما ب الشوق محروره
نزلت تا حتى تبوّس الصوره
وتاخد البركه من قمر لبنان
**
منارة الحرف
حفل توقيع كتاب الدكتورة بهية ابو حمد 18/3/2923
تعودت اكتب شعر للحلوين
امحي سنه واكتب قبالَ سنين
وكل ما قصيده تحير الأفكار
تحير معي افكار لمحبين
لاكن اليوم بعجقة الأشعار
تحيِّر نادين فكارنا تخمين
تتقدم الشعار صارو كتار
يمكن نادين لاصلها شعار
مدري اصل اشعارنا نادين
وكل ما البهيه نجمها يعلى
بعين الجواهر اسمها بيحلى
ومتل السطوره لعاشقه الأقلام
بتعشق النظره عينها الكحلى
وعينا بتغفى شوي ما بتنام
بتنام لما تصير تتخلى
وشو هم يللي بيحلمو ما دام
بتقدر بغفلي تحقق الأحلام
وتكون هيي الجوهره الأغلى
يا شعر كل ما برسمك لمعه
بتسرح الريشه لوحدها جمعه
وفيك القوافي بتعمل عياني
كل ما بليلك ولَّعّت شمعه
بلَّبّس حروفك شعر و معاني
تا ما عليها ينسمع سَمّعَّه
بتلبس النظره رموش احزاني
وتا ما تضل العين عرياني
من قبل خَدّي بتلبس الدمعه
عَلّي المناره شّوَي يا بعيني
كرمال تقطع تحتها عيني
وتَنصير فينا نقشعك لبعيد
قَرّب حروف الشعر ع الديني
وعَلّق مواج العاصفه عواميد
خلقها سفر ما بينك وبيني
وكل ما ببحرك سافر من جديد
عَلّي المناره شوي لو بتريد
تتصير وينك اقرب لويني
يا شعر بالغربه صرت مخطوف
تا يحَرِّروك بيطلبو فديي
ما في حدا بيعمل معك معروف
إلا تاينكي جروح منكيي
**
كان الشعر من ملهمك مقطوف
ببحر القوافي ترَوض الميي
تشق المواج بحرفك الملهوف
تخَلّي ب دينيي القصيده شوف
كل ما سمعت شاعر بعينيي
ولما البهيه حسبت حسابك
تبقى منارة حرف احبابك
فكرت انو ل بلشعر مهووس
ما عرف وصل حرف بغيابك
انت مناره وبالشعر قدوس
خايف ل بكرا يزعلو صحابك
وعنك يقولو مبرطلو لقدموس
كرمال تعطي بالقصيده دروس
فَضّى حروف الشعر بكتابك
