 |
| شاعر مهجري، لقب بزغلول الزغرين |
يا شاعر الغربه ولياليها
الوحدو بدر شعرك مضوّيها
"لفلو" ألله يبعّدو والسوّ
عن جاليتنا وعن أهاليها
بأمسيتك يللي الأرض والجو
والناس داخوا بمعانيها
كان لي الشرف إلقي قصيده لو
كانوا ظروفي بيسمحوا فيها
ـ2ـ
ومن قبل ما شرّفتنا عرفتك
شاعر غني بكنوز معرفتك
ومتل ما عرفتك ذكي وحسّاس
بأمسيتك قمّة شعر شفتك
عالجت بشعرك هموم الناس
وغير الدرر ما مر عا شفتك
تا سكرتنا من دون خمره وكاس
ودوّبتنا عا جمر عاطفتك
ـ3ـ
ومن بعد ما حلّقت بهجومك
عا ناس ظلمونا بمفهومك
بيبلقلك التعظيم والتقدير
عا هالحكي ما في حدا يلومك
حلّق بجنحين الثقافه وطير
عا جو يعرف قيمة نجومك
يا شربل بعيني العطيت كتير
من شعرك ومن جوهر علومك
ـ4ـ
اسمك الغالي بأربع حروفو
خلاّ ينابيع الوحي يطوفوا
منقدسو تا الصعب أمرو يهون
ومنكرّمو وقديس منشوفو
"الشين" شعلة موهبه وفنون
"والراء" راية مجد بصفوفو
"والباء" بركه من جرن ميرون
"واللام" لبنان المفدّى ضلّ
حاضر باسمو وعالج ظروفو
صدى لبنان، العدد 605، 19/7/1988
**
