بعيني/ الياس قدّور

شاعر سوري مهجري

بعيني.. بخبّيك بعيني

وكل الشعّار بعينِه

المطران أنطوان شربل طربية وشربل بعيني

ولو حبّيت لقلبي تفوت

بتلاقي أحلى جنينه

لا تسأل: من وين القوت

وأيّا زهره بتعطيني

كبدي زيّنتو بياقوت

عرضتو ع صحن صيني

ودمّي من شَراب التوت

مزمز فيني.. ع الهينِه

شعرك بِـ قلبي منحوت

صدر وعجز بيكفيني

بيغذّيني.. حتّى مُوت

وسنين الشعر سنيني

ولو قريوا شي خمس بيوت

ع قبري الـ فيه التابوت

وكنت "القاري" بتحييني

ملبورن 1988

**

غصون الزيتون

شعرك خلاّني مفتون

يا "بعيني" وفتّحلي عيون

متلك.. لو في عنا تنيْن

بِـ سوريا أو لبنان

ودينين فتحنا وعنيْن

ما احتجنا غصون الزيتون

ولا تبخّرنا بهالبلدان

ملبورن 1988

**
دموع الغربة
بالفضّة شربل مجبول
من كعبو لقمّة راسو
ويلّلي شافوا صار يقول
مِقياس التّاج.. قياسو
بيسوى لندن واسطنبولْ
بيسوى القصر وحراسو
شاعر.. شعرو ع الأصول
بدموع الغربة قاسو
مسؤول.. وشعرو مسؤول
غنّى الحرف بإحساسو
من كتبو.. لو تقرا فصول
بتسمع رنّة أجراسو
بارك كلماتو الرسول
وموسى قدملو عصاتو
والمسيح نخّ وباسو
**