شربل بعيني صوت لبنان الأمين/ د. مروان كسّاب

شربل بعيني صوت لبنان الأمين

بغربه انطلق عا غصونها الطير السجين

غربه عا شاطيها التقى الدر الثمين

مجلة وحي ونور لخيال الملهمين

فيها الحروف الأبجديه بتستعين 

تا تصير تكتب صدق وتوزع يقين

فيها الشعّار البسدني عايشين

بيقطفو منها الحبق والياسمين

والفضل كلو لشربل العالي الجبين 

الخلى الصخور القاسيي بذوقو تلين

وسمّى المجلّه قصد غربه تا السنين 

تزرع بقلب المغترب رقه وحنين

انشالله الغربه ما بيسكت صوتها 

تا يرجعو للبنان كل الغايبين

**
بتضل كبير
برأيي شربل البعيني
بعينه.. والباقي بعينه
خلقت كبير.. وقلب كبير
وبتضل كبير بعيني
2013
**
بعد التحليل
يا شربل بعد التحليل
حافظلك بالقلب جميل
ولو متلك قايين يكون
كان بعدو لهلّّق هابيل
2014
**
إهداء
إلى الاستاذ شربل بعيني
صاحب القلب الكبير،
ومثال التضجية والكبر.
الى شاعر الكلمة المطرّزة بأنداء الحنين،
ومدامع اللوعة المصبوغة بألوان الغربة
على شاطىء الأحلام والذكريات.
الى القلم الذي جعل من الألم قصيدة عذراء
على مذبح الحب والعطاء.
الى الانسان الذي نذر روحه
في صومعة الاحساس،
ليقدم شعره زاداً للأجيال الطالعة
وشمعة ضاوية أبداً
في هيكل التاريخ والخلود.
الى الغربة التي تحوّلت الى وطن
في بلاد الاغتراب.
الى النسر الذي بسط جناحيه
على ابعاد المدى
ولم ولن تضنيه المسافات،
ولن تثنيه عن عزمه الدائب رهبة الآفاق.
هو النسر الذي دانت له القمم،
وزوّد كلمته لقمة سائغة
لكا من يتذوّق جمال الشعر ووجدانيته،
ولكل من يتعاطف مع خلجات الأدب
المزدان برشاقة الكلمة
وجزالة الأسلوب.
فكان ولا يزال النبع الدفّاق
الذي لا ينضب ماؤه،
الذي يرتوي منه العطاش..
هو ماء الشعر،
ماء الحياة،
وخبز الخلود
على مائدة الحنين والخيال.
سيدني في 1/10/2015
**
عجايب
جورج إبن منصور شعرو جايبك
لينا.. رغم ما الغيب قالوا مغيّبك
يا شربل الـ قلبي ما بين حبايبك
لا تفتكر مروان إنو سايبك
شربل ونحنا صعب نجهل هالأمور
بتظهر علينا بالقصيد عجايبك
**
الغربة
من جروحات اللي بقلبي
وكل ظروفي المنقلبه
الغربه الـ عندك يا شربل
نستني هموم الغربه
**
اصلو بعيني
شربل بالفعل يكبر بـ عيني
إبن حَسْب ونسب أصلو بعيني
الدني عم شوفها بعينه.. وبعينه
شربل عند ما يجول الطرب
**
ازهار حبّك
ـ1ـ
باعت الي من القلب ديوانين
الدنيا بعيني وشفتن بعيني
الشعر حملتو بشعرك دين
وصعب دينو ينوفى وديني
بحب الوطن شفتك مرجح عين
وأزهار حبك عملت جنيني
ولما بايدي مسكت الكتابين
المتوجين بشربل بعيني
بحرك طغي عا مجمع البحرين
وكلما كبر بحرك بعيني شوف
البحرين صاروا يزغروا بعيني
ـ2ـ
إشعارك واحلام مضطربي
بغصون أرزات الوطن باتو
بدك عليك يوجهوا الحربي
ولبنان ما يسخوا بدماتو
بتصرخ الو من جروح مغتربي
من زمان عا قلبك سوى فاتو
لبنان قلبي وبعدك بقربي
رغم الهجر وجنون شرداتو
بيصعب عليي اقشعك خربي
والجوع عم يصرخ خبز هاتو
أنت العا أسمو بكيت بالغربي
وورقه ما بدك يخسروا الارزات
وحبي ما ينقص من تراباتو
سيدني ـ أيار 2020
**

سعيد وشربل

يا شربل اللي في الك عالشعر دين

عملاق نجمك شعشع على الفرقدين

بالرثا القلتو لسعيد الدنيتين

 دمعة خلود الشعر نزلت دمعتين

من شعرك ومن شعر  شاعرنا سعيد

تخلد سعيد العقل فيهم مرتين

**

لا تلومني

عملقتني زيادي باياتك

وجوانحي من فضل ريشاتك

الشعر  حافظلك يا خيي جميل

اللي بغربتك رابي عا دياتك

شعرك يا شربل جنن التحليل

ولبنان ما بيجهل جمالاتك

ومن بحر اشعارك دراري بشيل

تا طرز كلامي بخيالاتك

لا تلومني لشعرك اذا عم ميل

طالما الشعر شفتو انا بذاتك

وان كان عندي شعر ومواويل

هودي صدى بحات نبراتك

وشعري اذا عندو حلا وتكحيل

بيكون جايب كل هالتجميل

من ذوقك ومن كحل كلماتك

**

طيور القوافي

شربل.. باخلاقك عشت موصوف

والحق كل منا ضروري يشوف

وبظل شعرك عايش الإلهام

وبجوك طيور القوافي رفوف

متواضع ولو كنت ع الآكام

بقلب البنفسج سارح ومخطوف

زودتنا من غربتك أحلام

وصار البيسافر صوبها مخطوف

شاعر وشعرك عيش الأيام

والنثر منك طوفتو بتطوف

وسجل بهالتاريخ مني كلام

كلام من روض الصدق مقطوف

نحنا كتبنا حروف عن إلمام

فيها رسمنا الواقع المألوف

وانت عنا العبقري المقدام

وبدر الهامك بدون خسوف

بالنثر بالشعر بالإعلام

وحدك الزدت على الحروف حروف

**

نجمة الايمان

شعرك بقلبي ورود البساتين

رجع ربيعي غصب عن تشرين

ولا فرق ما بين شربل ومروان

هيك حكيوا كل المحبين

عرفتك بقلبك نعمة الايمان

وقصايدك ترنيمة شعانين

وانت وانا بعمق القلب اخوان

وبالشكل والمضمون متفقين

عملاق انت وشاغل الاكوان

وطبق الاصل عنك جبل صنين

الغربه بصميمك كتبت العنوان

ومن روحها الصوان صار يلين

توجتها بالعطف والتحنان

وبلسمت فيها قلوب مغتربين

وقدام شعرك حنيت التيجان

وما كان همك تحمل نياشين

وبعرف انا لو همك النيشان

كانوا على صدرك بالملايين

شاعر انت نيشانك الانسان

وهيدا العم تزيدو انت تزيين

بقلبي انت بتضل شو ما كان

واحساسك حملتو بالشرايين

لو زعلت مني بتجرح الوجدان

بجرح اقسى من قسا السكين

انت اللي دمعك بارك الديوان

يللي طبعتو بدمعتي من سنين

بتبقى بقلبي عا مدى الازمان

وشعرك رصيدي وفايق التتمين

وبغربتك فيك قشعت لبنان

ومجدليا وارز تنورين

**

شاعر عبقري

صوتك عند ما بنبرتو يدوّي

الصوان فيك تنمردو.. تلوّي

وشعاعك الأحلام شو تمنّو

حتى الليالي الحالكه تضوّي

ويا ما الصبايا الغيد بيحنّو

حتى ع قلبن عطفك يجوّي

وما خاب شاعر عبقري ظنّو

فيك اللي كلك شعر ومروّه

حتى النبيد الـ عتّق بدنّو

ما بيفرُق انت او هوّي

ويا ما بشر بقصايدك جنّو

الـ فيها الصحاري قادر تروّي

ومنها رحيق العاطفي جنّو

ولو زرعتها بالصخر بيسوّي

يا شربل القانون لا تسنّو

منشان بيني وبينك تسوّي

عواطفك لو ما بيتأنّو

قادر تدفِّع شعرنا خوّه

وحتى الحقيقه الناس يتبنّو

وع الحقيقه اكتر نضوّي

الحق ما بيهرب حدا منو

ومين اللي بدو يصدقك انّو

من الضعف بدها تهرب القوّه

**

البيدر انت

شربل قلوب الكل بتملّي

وحتى العلقم قادر تحلّي

والبدر كيفما طلّ أما هلّ

بيكون منك سارق الطلّه

انت الجبل وبكون حدك تلّ

وفي فرق بين الطود والتله

شاعر اصيل وكلمتك تنجلّ

من طيبها عم تنفح الفلّه

وبمحبتك جامع رصيد الكلّ

من دون ما قلك ولا تقلّي

وكلما مواسم شعرنا بتقلّ

البيدر انت بتضل والغلّه

وشاعر انا بين العسى والعلّ

وانت القدير تعالج العلّه

ومن شعرك الدفاق ما منملّ

اللي بهيكلو الإلهام بيصلّي

والعقدة المش عم تلاقي حلّ

بشعرك يا شربل في لها حلّه

**

حروف البلاغه 

ما عادت حروف البلاغه تساع

اسمك العاطي عز للمذياع

دوزنت فينا وتار مضطربه

وزرعت فينا رقة الاطباع

ومن شعرك الموزون منطربه

الروح وكلامك بلسم الاوجاع

وخمرتك عا طول منشربه

وكاس الوحي لأحلامها مطواع

والارض يمكن تنقلب خربه

لكن شموخك انت ما بيوقاع

مهما بعدت بتضلك بقربي

بقلبي وحب القلب ما بينباع

وما زال شعرك عايش بقلبي

بقلو شعر شربل يا قلبي سْماع

خصوصي بفضلك صارت الغربه

منبر الشعر وقمة الابداع

**

بحر الشوق

شربل.. إذا بتشجّعو لمروان

بيموج بحر الشوق بالقصدان

وبقول من شعرك ما في اروع

بالعاميه.. ورونق الاوزان

ومين اللي قدّك انتج وابدع

تا صرت كلك مملكه وتيجان

وعا منبرك كلما طلعت مطلع

يمرجح صدى اشعارك الوديان

والقوافي تخشع وتركع

منك تا تقدر تاخد القربان

بالمكرمه منك ولا اودع

وذوقك بيرجح كفة الميزان

وبالمعمعه منك ما في اشجع

كلمتك بترجف الفرسان

وايمانك بلبنان ما تزعزع

رغم الضياع وقلة الايمان

وكلما بيجيني لخاطري مقطع

من حلاوة شعرك الرنان

لا تلومني لو صرت اتشلع

ما زال شعرك شلع الصوان

لومني ان كنت ما بدمع

من شعرك الموجوع عالانسان

ومفروض فيي أتعب واجمع

مجمع البحرين والأكوان

واكتر ما فيها المطبعه تطبع

وجاوب عليك ونقز النسيان

وقلك تا نقدر نظهر ونلمع

اكتبنا حرف عندك بشي ديوان

وبتضل انت الأصل والمرجع

متلما الغربي لها لبنان

وبتضل انت لشعرنا المنبع

والعجب كلما عم منجرع

لنبعك بيضلو قلبنا عطشان

**

محاورة زجلية

مروان كساب:

يا شربل اللي في الك عالشعر دين

عملاق نجمك شعشع على الفرقدين

بالرثا القلتو لسعيد الدنيتين

دمعة خلود الشعر نزلت دمعتين

من شعرك ومن شعر شاعرنا سعيد

تخلد سعيد العقل فيهم مرتين

**

شربل بعيني:

لما الشعر بيدوخ يا مروان

بيكون شارب خمرة فنونك

شعر الفصيح بترشقو بقصدان

متل الدهب.. والرب بيصونك

عيونك إذا بتبكي على لبنان

بتركض الكلمه تكحل عيونك

**

مروان كساب:

عملقتني زيادي باياتك

وجوانحي من فضل ريشاتك

الشعر حافظلك يا خيي جميل

اللي بغربتك رابي عا دياتك

شعرك يا شربل جنن التحليل

ولبنان ما بيجهل جمالاتك

ومن بحر اشعارك دراري بشيل

تا طرز كلامي بخيالاتك

لا تلومني لشعرك اذا عم ميل

طالما الشعر شفتو انا بذاتك

وان كان عندي شعر ومواويل

هودي صدى بحات نبراتك

وشعري اذا عندو حلا وتكحيل

بيكون جايب كل هالتجميل

من ذوقك ومن كحل كلماتك

 **

شربل بعيني:

العملاق اسمو بالشعر مروان

شعر الفصيح ورنة القصدان

مهما تفلسفنا وكتبنا حروف

تلاميذ نحنا بصفك.. ومعروف

دكتور أنت.. ومركزك منصان

**

مروان كساب:

انت الباخلاقك عشت موصوف

والحق كل منا ضروري يشوف

وبظل شعرك عايش الإلهام

وبجوك طيور القوافي رفوف

متواضع ولو كنت عالاكام

بقلب البنفسج سارح ومخطوف

زودتنا من غربتك أحلام

وصار البيسافر صوبها مخطوف

شاعر وشعرك عيش الأيام

والنثر منك طوفتو بتطوف

وسجل بهالتاريخ مني كلام

كلا من روض الصدق مقطوف

نحنا كتبنا حروف عن المام

فيها رسمنا الواقع المألوف

وانت عنا العبقري المقدام

وبدر الهامك بدون خسوف

بالنثر بالشعر بالإعلام

وحدك الزدت على الحروف حروف

**

شربل بعيني:

فصل الربيع بيحضن الازهار

يا حاضن الشعار والاشعار

كبير انت كبير يا مروان

وجيشك بحقل المعرفه جرار

متل الشمس بتشع بالاكوان

لا تخاف لولا غابت الأقمار

من تنورين الارز.. من لبنان

هالضيعة الضوت سما الاحرار

خليك حدي هون بالهجران

فيك برفع راس.. بمحي الهجر

وما بزعلك لو صار شو ما صار

 **

مروان كساب:

شعرك بقلبي ورود البساتين

رجع ربيعي غصب عن تشرين

ولا فرق ما بين شربل ومروان

هيك ححكيوا كل المحبين

عرفتك بقلبك نعمة الايمان

وقصايدك ترنيمة شعانين

وانت وانا بعمق القلب اخوان

وبالشكل والمضمون متفقين

عملاق انت وشاغل الاكوان

وطبق الاصل عنك جبل صنين

الغربي بصميمك كتبت العنوان

ومن روحها الصوان صار يلين

توجتها بالعطف والتحنان

وبلسمت فيها قلوب مغتربين

وقدام شعرك حنيت التيجان

وما كان همك تحمل نياشين

وبعرف انا لو همك النيشان

كانوا على صدرك بالملايين

شاعر انت نيشانك الانسان

وهيدا العم تزيدو انت تزيين

بقلبي انت بتضل شو ما كان

واحساسك حملتو بالشرايين

لو زعلت مني بتجرح الوجدان

بجرح اقسى من قسا السكين

انت اللي دمعك بارك الديوان

يللي طبعتو بدمعتي من سنين

بتبقى بقلبي عا مدى الازمان

وشعرك رصيدي وفايق التتمين

وبغربتك فيك قشعت لبنان

ومجدليا وارز تنورين

**

شربل بعيني:

غلبتني.. وغير هيك مش رح قول

شختورتي ما بتغلب الاسطول

بالارتجالي أنت شيخ الكل

بتصير المعقول مش معقول

يا أرز واقف فوق أعلى تل

ما يوم شفتك عم تشك نزول

شامخ انت ع طول رح بتضل

تا تدمج المعلوم بالمجهول

مروان عقدة شعر ما بتنحل

البيحلها الله الخلقها بس

مهما تفكر بالدني العقول

**

مروان كساب:

شربل قلوب الكل بتملي

وحتى العلقم قادر تحلي

والبدر كيفما طل أما هل

بيكون منك سارق الطلي

انت الجبل وبكون حدك تل

وفي فرق بين الطود والتلي

شاعر. اصيل وكلمتك تنجل

من طيبها عم تنفح الفلي

وبمحبتك جامع رصيد الكل

من دون ما قلك ولا تقلي

وكلما مواسم شعرنا بتقل

البيدر انت بتضل والغلي

وشاعر انا بين العسى والعل

وانت القدير تعالج العلي

ومن شعرك الدفاق ما منمل

اللي بهيكلو الإلهام بيصلي

والعقدة المش عم تلاقي حل

بشعرك يا شربل في لها حلي

 **

شربل بعيني:

مروان.. عم تشفق على حالي

وتزيد بالاشعار رسمالي

دكتور أنت.. وكلمتك قانون

وشعرك دهب ما بيلزمو نخاله

البيجاوبك.. مسكين رح بيكون

بينك وبينو جبال يا غالي

جربت مره وقلت هيدا جنون

وقلت الهريبه اليوم احلالي

انت شاعر عبقري.. ومجنون

هللي بيرضى يوقف قبالك

بيركع وقت ما بيلمح خيالك

وبيصيح.. مارد واقف قبالي

**

مروان كساب:

صوتك عندم بنبرتو يدوي

الصوان فيك تنمردو تلوي

وشعاعك الأحلام شو تمنو

حتى الليل الدامس تضوي

ويا ما الصبايا الغيد بيحنو

حتى عا قلبن عطفك يجوي

وما خاب شاعر عبقري ظنو

فيك اللي كلك شعر ومروي

حتى الخمر العتق بدنو

ما بيفرق انت او هوي

ويا ما بشر بقصايدك جنو

الفيها الصحاري قادر تروي

ومنها رحيق العاطفي جنو

ولو زرعتها بالصخر بيسوي

لكن القانون لا تسنو

منشان بيني وبينك تسوي

عواطفك لو ما بيتانو

قادر تدفع شعرنا خوي

وحتى الحقيقه الناس يتبنو

وعالحقيقه اكتر نضوي

الحق ما بيهرب حدا منو

ومين اللي بدو يصدقك انو

من الضعف بدها تهرب القوي

**

شربل بعيني:

محتار يا مروان شو بقلك

وعارف انت بقلوبنا محلك

لو كان فيي خلد الإنسان

بحلف بالله بخلدك كلك

روح الصداقه مجسده بمروان

والعبقريه دوم بتجلك

انت ارزه من جبل لبنان

ونحنا ع طول منحتمي بظلك

ما كان شعرك هون كيف ما كان

مشيت درب الحرف والقصدان

وقلوبنا ع الدرب بتدلك

 **

مروان كساب:

ما عادت حروف البلاغه تساع

اسمك العاطي عز للمذياع

دوزنت فينا وتار مضطربي

وزرعت فينا رقة الاطباع

ومن شعرك الموزون منطربي

الروح وكلامك بلسم الاوجاع

وخمرتك عا طول منشربي

وكاس الوحي لأحلامها مطواع

والجبال جايز تنقلب خربي

لكن شموخك انت ما بيوقاع

مهما بعدت بتضلك بقربي

بقلبي وحب القلب ما بينباع

وما زال شعرك عايش بقلبي

بقلو شعر شربل يا قلبي اسماع

خصوصي بفضلك صارت الغربي

منبر الشعر وقمة الابداع

 **

شربل بعيني:

تعبت حروفي وانت ما بتتعب

بتضل تعطي الشعر المدهب

ما بقول عنك شاعر وفنان

رح قول انت الصاحب الاقرب

نجمك ضوي ب عتمة الهجران

ونجم المحبه من الصعب يغرب

انت منبع شعر يا مروان

لا تلومني لولا قلت عطشان

وجايي تا اطفي حرقتي واشرب

 **

مروان كسّاب:

شربل إذا بتشجعو لمروان

بيموج بحر الشوق بالقصدان

وبقول من شعرك ما في اروع

بالعاميي ورونق الاوزان

ومين اللي قدك انتج وابدع

تا صرت كلك مملكي وتيجان

وعا منبرك كلما طلعت مطلع

يمرجح صدى اشعارك الوديان

والقوافي تخشع وتركع

منك تا تقدر تاخد القربان

بالمكرمي منك ولا اودع

وذوقك بيرجح كفة الميزان

وبالمعمعه منك ما في اشجع

كلمتك بترجف الفرسان

وايمانك بلبنان ما تزعزع

رغم الضياع وقلة الايمان

وكلما بيجيني لخاطري مقطع

من حلاوة شعرك الرنان

لا تلومني لو صرت اتشلع

ما زال شعرك شلع الصوان

لومني ان كنت ما بدمع

من شعرك الموجوع عالانسان

ومفروض فيي أتعب واجمع

مجمع البحرين والأكوان

واكتر ما فيها المطبعه تطبع

وجاوب عليك ونقز النسيان

وقلك تا نقدر نظهر ونلمع

اكتبنا حرف عندك بشي ديوان

وبتضل انت الأصل والمرجع

متلما الغربي لها لبنان

وبتضل انت لشعرنا المنبع

والعجب كلما عم منجرع

لنبعك بيضلو قلبنا عطشان

**

شربل بعيني:

مروان.. حظي كبير اني بعرفك

شاعر قدير.. وبالصدق ما اشرفك

تعلمت منك كيف عملق كلمتي

كل الهنا.. كل الوفا باحرفك

انت مبدع.. عم تحلي دنيتي

انت نادر.. والهجر ما اتلفك

رح حلفك تبقى صديقي بغربتي

وغير هيك يا مروان مش رح حلفك

**

شعرك الصافي

شعرك يا شربل لو بيصير سكوت

بيضل يحكي وعا القلب بيفوت

وانت القلت وبشعرك الصافي

انو المجد بيضل ما بيموت

**

أجمل من الشعر

لم اجد حقاً اجمل من الشعر الرنان الا وتر نثرياتك يا اخي الغالي يا استاذ شربل بعيني، يا ذخيرة الغربة شكلاً ومضموناً.

لقد غمرتني بافضالك سابقاً يوم اتحفتني بتعليقك الراقي والبليغ والمترع بالذوق الادبي على ما ورد في ديواني الشعري دموع الخريف وقد هز تعليقك المكتنز بالدراري الادباء والشعراء شرقاً وغرباً ولا يتسع المكان حالياً لاورد اسماءهم وهم كثيرون 

وها انك اليوم تحملني مجدداً الديون الباهظة بتقديرك المفعم بالمحبة والاعجاب في حين انني لا ازال لغاية تاريخه رازحاً تحت جميلك المفضال الذي لا يعادله الا الاقرار بالفضل وعرفان الجميل

لك في قلبي يا اخي الغالي يا شربل الادب والشعر والصحافة والفلسفة لك في قلبي صومعة ذاخرة بالايمان تنفح من حواليها وضمنها اطيب بخور شفيعك وشفيعنا القديس مار شربل ليواكبنا معاً ببركاته وصلواته من علو السماء لتظل الغربة وموقع الغربة ملاذًا آمناً للكلمة الشعرية الصافية وحصناً منيعاً للآداب والقيم الاخلاقية وان يبقيك الله لنا جميعاً انموذجاً للمحبة والانفتاح وكنزاً ادبياً ورسالةً شعريةً نحملها على صدورنا ونحن رافعين الرأس عالياً بتواضعك الاسم يا اخي وصديقي وزميلي ويا شفيعي شعراً ونثراً وادباً واخلاقاً

**

عملاق الكلمة الخالدة

لا يسعني ان اضيف على ما ادلى به شاعر الغربة والاغتراب عملاق الكلمة الخالدة، اخي وصديقي الغالي الاستاذ شربل بعيني، بنفسج التواضع وصنين الشموخ والعنفوان، بصدد تقييم وتقدير شعر وشاعرية الشاعر المبدع طوني رزق هذا الشاعر الذي اجد به شخصياً وجدان الروح الشعرية وخميرتها المشبعة بالاخلاق والقيم الروحية التي ينبغي على كل شاعر يعيش الشعر ان يتحلى بهذه الاخلاق التي تعتبر بجوهرها الرصيد الاكبر في حياة الشاعر ورسالته الشعرية

صديقي واخي بالروح الشاعر المبدع طوني رزق عرفته واحسسته شاعراً كبيراً وكبيراً في مناسبات عدة حيث كانت قصيدته في اي منها توهج تجلياً ولمعاناً بما يضفي على العالم الشعري الواناً واضواءً جماليةً قد لا تخطر على بال شاعر نظراً لجوهر الابتكار التصويري والتشخيصي الذي يتسم به خيال هذا الشاعر العبقري الذي اتحف ويتحف الادب الشعري بمشاعره الروحية وصوره الشعرية الحافلة بحشد من الخيالات والرؤى الرمزية التي يحملها الينا من على شفاه الازل ليخرق بازميله الناحت الاعاجيب جدران المجهول على اعتاب المستحيل.

**

مرسال

رحمة الله على ترابه الطاهر يا أخي شربل بعيني..

يبقى خالدًا في ذاكرة الذكريات النابضة بالحياة وفي يقظة الاحلام نهدة الحنين وجذوة الاشتياق لبزوغ فجر اللقاء الحميم في عرس الانداء على وريقات الحبق والياسمين وبين اجنحة الاناشيد المطرزة بدموع الفراق الموجع.

ان طيف المرحوم مرسال بعيني لا يزال يتهادى على هودج الأمجاد والقيم السرمدية التي تبقى في بال الخلود رمز الاخاء وكنز الوفاء وهنا يكمن سر الموت الذي يولد منه فقيد الارض الزمنية ليكون في روحه السماوية من ابناء السماء التي تسمو على كل شيء ولا يعلو عليها اي شيء.

رحم الله اخانا مرسال بعيني الانسان المزود بالاصالة قلباً وقالباً وطوبى له مع رهط الابرار والقديسين في الملكوت السماوي آمين.

**

روميو.. بعد سنه

ـ1ـ

يسلم تمّك يا خيي شربل

ع هالقصيده المفعمه بالحنين

والعاطفه والصداقه الخالده.

ـ2ـ

أول شي بتشكرك

لأنك عم تحكي بإسمنا كلنا

وتعبّر عن محبتنا الغميقه

لفيقدنا الغالي حبيب القلب

لشاعرنا الكبير

اللي خسرناه كلنا

خيي بالروح والانسانية والشاعريه..

ألله يرحمو: روميو عويس

ـ3ـ

بقصيدتك بتعبّر عن الصداقه الحقيقيه

وعن خلجات روحك تجاه هالانسان

لأن عنا كل المعرفه

إنك كنت، من غير اليوم، 

ما تنذكر معو إلا وهوي طيب

على خير علاقه

وعلى عمق بالمحبه والوداد.

وهيدا تترجم بهالقصيده المسكوبه بدموعك.

من حناياك..

من احساسك الرقيق على فقيد الشعر

فقيد الكلمه الحلوه

فقيد العذريه الصافيه بقصايدو

يللي كان يوجها لغزلان محبه

وكانت قلوبنا تهتف إلو

وترقص لكل كلمه.. 

وكل صوره شعريه

كان يتحفنا فيها..

بس بيضل بقلبنا، متل ما قلت،

وبيضل ببالنا..

وهالقصيده فعلاً معبّره عن كل شاعر

بيتحسس فقد شاعر من هالمستوى الرفيع.

ـ4ـ

ألله يديمك، يا حبيب قلبي،

يا خيي شربل..

يا صاحب الكلمه والاخلاق الرهيفه العميقه

بالتحسس بالانسانيه والصداقه.

وانا كتير بكرر شكري إلك

لأنك عبّرت عنا جميعاً

كلمن بينبض بالشعر..

كانت قصيدتك معبره لفقد هالشاعر العظيم..

ألله يطول بعمرك

**

عبقري الغربة

شعر وجداني يغوص إلى عباب اليم

ليعود وفي جعبته كومة من اللاليء والدراري 

هو البحار الماهر 

وهو البحر والريح والقدر 

واعني به عبقري الغربة 

حلم الوطن 

ورصيد لبنان الشاعر الملهم شربل بعيني 

اخي بالروح والصديق الصدوق

حياك الله عربون محبة 

وكنز اخلاص 

وشعلة اخلاق.

تعليق على قصيدة "غدار" ـ الفايس بوك 28/9/2022

**

عملاق الغربة

حدث تاريخي لافت 

يزخر باهم واعرق وجوه الفن الابداعي 

نغماً وطرباً..

والفضل كل الفضل يعود الى عملاق الغربة 

ودعامة الروح الادبية والاجتماعية في الحياة المهجرية 

حيث انه يثلج القلب المسعور 

برذاذ اهتماماته بشأن الجاليات اللبنانية والعربية 

بكل ما لديه من تمرس واكتناز بوفيرالمعرفة وسعة الاطلاع

هو الشاعر والاديب والاعلامي الكبير الاستاذ شربل بعيني 

ادامه الله ذخراً ثرياً للادب المهجري الانساني 

ومرجعاً إعلاميا على مستوى العالم اجمع.

تعليق على كتاب "فنان" الفايس بوك 16/10/2022

**

رسمك

رسمك يا اخي الاحب شربل بعيني

محفور على لوحة التقدير والاحترام 

وان وددت البحث عنه 

فانك ولا شك تجده في قلوب الشعراء المحبين 

وفي عيون الغربة 

غربتك التي تجسد حنين المهاجر الى الوطن الام 

ونسمع من على منبرها العالمي 

صوت االشعر والادب 

ونطل من خلالها على عالم الإنسانية 

وطن الانسان.

تعليق على رسم شربل بعيني، الفايس بوك 9/10/2022

**

روعة كتابك

الاعجاب عم يطرق على بابك

كل مقصدو تا ينال اعجابك

وكساب كيفما في خيالو مال

محسوب بالإبداع كسابك 

شربل إنتْ.. للموهبي راسمال

واول حساب منحسبو حسابك

غيرك بيبني مواقفو عا رمال

وانت الأدب من فيض آدابك

ونبرة خطابك عاملي زلزال 

المنبر بيحني خشوع لخطابك

"الغربه" الك وزرعتها آمال 

وفيها الشعر رتل بمحرابك 

ودمعة شعر منك هدر شلال

ومين الما داخ بخمرة شرابك

ومش بس وحدي سكرت بالاقوال

الفاحت وسكبت عطر اطيابك

انت النا اعظم استهلال

وسؤالنا بيستنظر جوابك

وكلنا مع كل هالاجيال

مننعد وقت الجد طلابك

وبيصير يبدع شعرنا ما زال

بياخد وحي من روعة كتابك

**

وحي الكلمه

يا شربل بظلك وحي الكلمي ربي

وبغربتك حاضن نفوس معذبي

وعم اقشع بكل ايد عم تعرض كتاب

كتابين لكن قد اعظم مكتبي

**

ما اجمل الشعر

ما أجمل الشعر وما اروعه عندما ينبع من خلجات الشاعر المحلق بالابعاد الابعاد والتي تبقى الآفاق ملعباً سرمدياً لانطلاقة خيالاته المخملية المضمخة بعبير السحر ونفحات الشعر المنبعثة مع نسيمات الصبيحات الندية الوالهة بحب التضحية والعطاء

كيف لا عندما تكون هذه المقدرة الشعرية الوازنة هي مكرسة في سبيل صدقية التعبير وامانة التصوير بصدد مناقبية وروحية الدكتورة بهية ابو حميد التي مهما استفاضت قرائح الشعراء في التعبير عن مزاياها وانجازاتها البارزة لاسيما على مستوى رعايتها الساهرة على نهضة الشعر العامي في استراليا وسائر الدول العربية

الا ان شاعرنا واديبنا والاعلامي الدؤوب الاستاذ شربل بعيني قد اجاد خير الإجادة في قصيدته الممهورة بطابع التقدير والاحترام للدكتورة المبدعة بهية ابو حمد وهنا يكمن سر جمال القصيدة اذ انها تبدو وكأنها المرآة الصافية بجوهرها المتألق لتعكس الشعاع بالشعاع ولتضفي على الجمال جمالاً وعلى الاناقة اناقةً فيمسي الشعر في هذه الحالة الفائقة الوصف خير شاهد ودليل باعتبار ان من يشهد للحق بشعره المماثل لشاعرنا المحلق شربل بعيني يكون قد عزز الشعر بمقام من وجهه اليه ويكون في الآونة نفسها قد خدم الحق الذي يحتاج في معظم الاحيان الى قصيدة الشاعر التي تجلي الحقائق وتدفع قدماً في المجتمع الى تقصي الواقع الانساني وصولًا ألى المصير الافضل والاكمل

هنيئاً لك يا اخي الغالي ويا متراس الغربة بادبك الرفيع وشعرك الناصع البياض

والتهنئة الكبرى هي للشعر نفسه الذي خدمه الحظ ليكون الرمز الناطق والحبر النازف من الفلب تعبيراً وتصويراً لشخصية هذا العصر من بين السيدات الناشطات والمثقفات شعراً وادباً وقانوناً وقيماً واعني بها الدكتورة بهية التي تبقى هي القصيدة وبيت القصيد في قصيدة الشاعر العبقري المبدع الاستاذ شربل بعيني خميرة الاخلاق في معجن غربته السمحاء.

**

محاورة زجلية بين الدكتور مروان كساب وشربل بعيني حول صورة الطفل "زكريا يوسف"

مروان كساب:

من كتر ما احساسك محب وغيور

عالطفولي الكلها بهجي وسرور

بطلب انا من الرب تسهيل الامور

ونسل القيم ينبت متل طيب الزهور

تا تضلها بالحانها تشدي الطيور

وانت العا موقع غربتك لفيوا النسور

وبنيت بين الكل من عطفك جسور

الله نسل عيلة بعيني يكترو

تا هالمحبي تزيد ويطيب الشعور

شربل بعيني:

عايش كأني بحلم مع "زاك" الزغير

تا ربّع الأجيال عيّشني القدير

وهلّق أنا لمحبتك صاير أسير

بقصايدك عم تفرش الغربه حرير

بهنيك يا مروان ع الحب القوي

الخلا الدني تفرح بهالقلب الكبير

مروان كساب:

انت الزرعت النور وجليت الغروب

بشعرك الوزع عالبشر أزكى الطيوب

ولغربتك عم يهتفوا كل الشعوب

للادب والشعر شقيت الدروب

وخليت صخر الصم من ذوقك يدوب

وما في عجب من قلبك الصافي الكبير

انو يساع بطيبتو كل القلوب

شربل بعيني:

رح حلّفك بالحرف يا قاضي الشعر

أيّا شعر رح قول بليالي الهجر؟

مروان اسمك والاسم باقة زهر

خلت زجلنا يشع بسنين العمر

من كل قلبي بقول: تسلم يا صديق

قادر برده واحده تمحّي القهر

**

نجوم الفلك

استاذ شربل نورك بيمحي الحلك

بعيدك سوى رقصتلك نجوم الفلك

مش بس خيك جورج عيد هيك عيد

نحنا يا شربل كلنا اخوي الك

**

بهية والشعر

انت يا دكتوره خلقت من الازل

والحب فيك عم يشع ولم يزل

شاعر بدي يغني الك شعر الغزل

وشاعر عم يصلي صلاتو بالعجل

لكن انا عايش على شاطي الامل

وعمري قبل ما يكتمل شيبو اكتمل 

وهالمشكلي بيناتنا ما بتنهمل 

حملتي تقيلي وما ممكن تنحمل 

منصور شاعر عبقري بسكب الجمل

وخي روحي وروحنا ما بتنبدل 

وشربل بينظم بالفصيح وبالزجل 

وخيي وشعرو للنحل جاب العسل

وشو بينهم معقول انو ينعمل

وبالغرام تنينهم مضرب مثل

رجعت ثبت موقفي وليش الخجل

وقادر بحبة خردلي زيح الجبل

مقابيل منصور البيغني بلا ملل

وشربل بعيني العالصلا قلبو اتكل

رجعت صليلك صلاة المرتجل

تا يضل حبي وحب غيري ينعزل

منصور الله يلهمو لتاني غرام

وشربل صلاتو يقولها وما تنقبل

**

شربل بعيني منارة الحرف

جني يا ربابة ابتكاري  

وخدي ألحان من بحة وتاري 

وخلي لحنك المجروح عازف

عا ليل الشعر تا يشعشع نهاري

وغني ورندحي من جرح نازف

اللي آخو آخ اشعاري وشعاري

اسأليني والسؤال يكون خاطف

لشو كلفتك تغني بجواري

لأني مقتنع صوتك بيالف

على حنيتي وكرة كناري

ولأني هون بجنينة عواطف

شفت فيها ربيعي واخضراري 

ونسيم الذوق نساني العواصف

اللي منها جوانحي تعودت داري

ولأني بعد اكتر صرت شايف

الأدب والفن والشعر الحضاري

بهيي كتابها كنوز ومتاحف

وشربل توجو باكليل غاري

وكأنو مجمع البحرين طايف 

وأنا حاير عا شاطي انتظاري

يعني بينهم ما عدت عارف

ايا بحر منو بجيب اكتر

تا عبي جعبتي كنوز ودراري

وبتوقيع الكتاب اللي بجداره

الو بالموهبي حق الصداره

كتاب بعطر روح بنفسجيي 

حروفو مرصعه بحبر الحضاره

اللي كاتبتو منعرف مين هيي 

المحاميي البهاها ما توارا

المحاميي بهيي الالمعيي 

لمعصمها العدل قدم سواره

وكتر ما روحها حره وابيي

بوفا ومن دون أيا استشاره

حبت تكتب وتعمل هديي

لشاعر كلمتو تاج الاماره

لشربل للادب للشاعريي 

بعيني اللي عمل عالظلم غاره

وبموقع غربتو الغربي السخيي

ملاحم شعر فجرها بغزاره

وحافظ عالاصالي وعالهوية

بأدب زاد الأدب قيمي ونضاره

وصرخ من غربتو الصرخه القويي 

نحن إخوان أسلام ونصارى 

الوطن قبل الحكي بالجمهوريي

وقبل كرسي النيابي والوزارا 

غبن لبنان يتحول ضحيي 

وشو بيفيد البكي بعد الخساره

لكن هون عم واجه قضيي

اسمحولي حلها بحكمي ومهاره

بعنوان الكتاب شعرت فيي

خيالات الشعر صاروا حيارى 

بهيي وشربل بشوفن سويي

عبير الزنبق وعطر الطهاره

الفرق بين معنويي ومعنويي 

العباره ذاتها وذات الاشاره

بشربل شفت مجد الابجديي

وبهيي للحقيقه بشوف فيها

ضمير الحرف وشعاع المنارا

**

قصيدة ملحمية

قصيدة الشاعر شربل بعيني،

ملحمية،

نافحة بالمحبة الصافية 

والتقدير العميق 

والاحترام المجرد 

من شاعر اختطف القلوب 

واستحوذ على الالباب 

بشعره الخارق 

وادبه الناصع 

وإعلامه الوامض بالجرأة 

والاستقامة 

والوطنية الصادقة 

والمتفانية 

الى شمس الشعر 

والأدب 

والقانون 

والاصالة الدكتورة بهية أبو حمد 

رسولة الكلمة الحرة 

وجوهرة الضمير 

في ميزان القيم 

والجمالات الروحية 

والانسانية.

**

مدرسة الادب

ـ1ـ

في كل مرة تكتب عني 

يا أخي الغالي يا شربل بعيني،

يا مدرسة الادب والاخلاق 

ومقلع الشعر والانسانية،

احس نفسي سائحاً بين محطات الكواكب 

على اراجيح الاعالي 

وكأني وانا في هذه الحالة 

اطارد عبقرياتك ومواهبك 

في المراتب العليا 

علني التقيك 

وانت رافل بكوكبة امجادك

لاستلهم من أدبك الرفيع 

وشعرك الأخاذ 

جمالات الحياة وكمالاتها 

التي ليس بوسع الأرض 

ان تستوعب اعماقها 

وتجتاز أبعادها.

ـ2ـ 

حقاً لقد أبكاني مقالك المترع بالطيب 

والمطوب بميرون الاصالة 

من بخور بيتكم الحافل بالمكرمات 

ونبل الاخلاق 

ونفحة الوداعة 

وطيبة التواضع

انت الكبير والأكبر في كل شيء 

شموخك تواضع 

وتواضعك شموخ

عتبك صلاة صلاة شعر 

تحيطه هالة القداسة الروحية

الحروف تعجز حقاً عن ايفائك 

ولو قسطاً واحداً من افضالك 

التي ارهقت بها كاهل عرفان الجميل 

والإحساس بالوفاء.

ـ3ـ 

انك المدافع عن الحق 

بوجه الظلم والظالمين 

والنبرة التأديبية 

بوجه الشتامين 

كونك من شجرة اصيلة 

متجذرة بحسن التربية 

ورفعة التعليم..

شعرك يخطف القلوب 

أدبك يستأثر بالالباب 

و"غربتك" المسماح محجة الشعوب 

ورصيد الثقافة والمثقفين..

وستظل كما انت 

ابجدية الثقافة 

ومنهل الحضارة 

وقبس الذوق 

وبسمة الاحساس ودمعته 

على ثغر اعراس الكلمة 

ووجنات الامجاد النافحة 

بعبير الأصالة والخلود 

يا أغلى الغوالي 

واصدق الاصدقاء الصادقين.

**

البطل يوسف كرم

ـ1ـ

شعر الخلود 

يرنم للابطال الخالدين 

ليوسف كرم 

كنز البطولة 

وصاحب العنفوان المطوب بروح القداسة 

وبركة السماء على الارض.

ـ2ـ

وقصيدة االشاعر العبقري 

أمير المنبر شعراً وادباً 

ونبرةً خطابية 

اخي الغالي على قلبي 

الاستاذ الكبير شربل بعيني 

قد اتحف التاريخ بهذه القصيدة 

لصانع التاريخ 

البطل اللبناني القديس يوسف كرم 

وهيهات أن تاتي الاجيال بمثله 

بطلًا لبنانياً أصيلاً 

لينقذ لبنان من براثن الطغيان 

ومخالب التعسف المرير 

وعلى الله الاتكال 

رب العالمين آمين

**

رسول الانسانية

ـ1ـ

انك رسول الانسانية، 

وامير الشعر والشعراء، 

يا اخي الغالي يا استاذ شربل بعيني،

وتواضعك صلاة خاشعة 

على شفاه عبير البنفسج 

ولهاث الندى السكران 

على نفحات الزنابق البيضاء 

والورود القمراء.

ـ2ـ

لا تتسع الحروف حقاً 

لاستيعاب الوصف السماوي 

الذي ينبغي اطلاقه على شخصيتك 

وهي الكنز النادر في مجتمع 

تكبله سلاسل الغيرة 

وتلفه العتمات الحاقدة 

على سطوع الادب 

ووميض الشعر 

الحافل بالقيم الروحية 

والاجتماعية والانسانية. 

ـ3ـ

إنك الصوت الصارخ 

من حنجرة الوجدان 

وهذه المقالة 

التي توجت بها الانسانية 

والأدب الانساني 

هي صلاة في هيكل الضمير 

وبخور متصاعد من قلبك الكبير 

الذي ينبض بالطيبة 

ودماثة الاخلاق.

والأكثر من ذلك 

انك مدرسة التواضع 

والمحبة والتقدير والاحترام.

ـ4،

أطال الله عمرك 

لتظل النور الساطع 

في دياجير الظروف الخانقة 

لتنقذنا من براثن الغدر والطغيان 

ومن جور الأنانية المعششة 

بقلوب المكابرين 

وهم في صحراء الجفاف 

وينعتون الغير 

ومن هم في فردوس الكلمة 

بما يأباه الذوق الانساني 

والحس الادبي 

وصفاء الوجدانية الشاعرة.

تعليق على مقال شربل بعيني "من هو الشاعر؟"، الفايس بوك، 18 نيسان 2023

**

وطن

شربل بقلب الكل إحساسو قطن

وزود الآداب آداب وفطن

بقلب الوطن تركوا وطنهم للقدر

ومن غربتو شربل عم بيخلق وطن

**

اسمك عيد

شربل روحك شعريي

وفيها اكتر ما فيي

كلك عطف وحنيي

وعاطيني احلا هديي

واسمك اجمل غنيي

عا شفاف الابجديي

الغربي العندك مسميي 

جمعتنا الكل سويي

وعيدي صفحه مطويي 

وكلو مواسم منسيي

وبحكيلك بالحريي

اسمك عندي هوي العيد

وشعرك أجمل عيديي

الفايس بوك ـ 2 أيار 2023

**

كلمة وقصيدة

   كلمة نثرية، وقصيدة شعرية، بمناسبة الاحتفال بتوقيع الكتاب الشعري للدكتورة بهية ابو حمد تكريماً للأديب والشاعر والاعلامي عميد الادب المهجري الاستاذ شربل بعيني، الجزيل الاحترام. والمؤلف الشعري وارد تحت هذا العنوان: شربل بعيني منارة الحرف.

   عنوانان يتألقان في سماء الشعر الوجداني والادب الانساني، وقد أسارع لأقول إن هذين العنوانين كادا يختطفان معظم العناوين اللافتة، ألا وهما صاحبة هذه الدراسة الدكتورة بهية أبو حمد، التي زيّنت الألقاب التي نالتها حقاً واستحقاقاً، شعراً وأدباً، علماً وثقافة، وقانوناً وإبداعاً في كل شيء. 

   حتى ما يمكن إطلاقه عليها بأنها قد أبدعت في الابداع، والمثير للاعجاب أكثر فأكثر، إن هذه الدكتورة المبدعة قد كتبت هذا المؤلف الثري، والمترع بروعة المعاني والمباني بعنوان متألق" "شربل بعيني منارة الحرف".

   وهنا أراني أستنير من شعاعين يتهاديان على بوارق منارتين، وكأنهما المقلتان الناظرتان الى السماء، على وجنات الحضارة الانسانية، والثقافة الشعرية والادبية على حد سواء.

   وإذا أردت أن أتناول بالشرح والتحليل أياً من هاتين الشخصيتين اللتين قلّ نظيرهما، لوجدت نفسي مضطراً أن أؤلف ليس كتاباً فحسب، بل مكتبة كاملة متكاملة، لكي أستطيع أن أفيَ عندها ولو قسطاً واحداً من التقدير لأي منهما، وهما في قلبي نبض الحنين، واختلاج العاطفة، ووثبة الخيال، وفي عقلي الرؤية الراجحة، والرأي العلمي الموضوعي، والمنطق المتوج بالرصانة والرقي:

دعوني أملأ الدنيا خيالا

ولن أرضى بشعري الإعتدالا

بهيّةُ في البهاء أراها شمساً

تضيءُ وتزرع الدنيا آمالا

فإني إن سألت الشعر عنها

هيَ الشعرُ، ضميرُ الشعرِ قالا

وإني إن سألت الحقّ عنها

لأطلق عنها في الحق مقالا

وإني إن سألت العقل عنها

لقال بعقلها تزن الجبالا

وإني إن سألت القلب عنها

يردّ القلبُ للقلبِ السؤالا

بهيّةُ إسمها أضفى بهاء

وفي أعمالها الشعر تعالى

جمال الشعر مهما قيل عنه

جمالها أعطى للشعر جمالا

ذكاؤها إنه بحرُ نبوغٍ

وقد فاضت ذخائره كمالا

وواجهتِ الصعاب بكل وعيٍ

وزادت في الرسالة إحتمالا

رسالتها عطاءٌ في عطاءٍ

خلودُ الشعر لا يرضى زوالا

"بعيني" منارة الحرف نراه

بسدني أنجمَ الآداب طالا

بغربته حنين الشعر يتلو

زغاريداً أجادها إحتفالا

لقد أحيا كلام الضاد شعراً

عذارى الروح زادته دلالا

نراه باتضاعٍ لا يباهي

ومنه الحرف قد عاش ونالا

بحقٍ إنه في الغرب أحيا

تراثاً زاد مجده إختيالا

بغربته أطلّ يحيّي أرزاً

وألبسه من الأمجاد شالا

بموقع "غربة" قد صاغ منه 

لقاءاتٍ بها الشعرُ تتالى

وبيدرُ فكره أعطى كثيراً

غلاله زادتِ الشعرَ غلالا

وإن جئنا لنحصي كم كتابٍ

وكم ديوان شعرٍ فيه جالا

لضاقت كل مكتبةٍ وكادتْ

تقول مجاله فاق المجالا

"فشربلنا" منارة كل حرفٍ

الآدابُ عليه ألقتْ إتكالا

نراه شاعراً ونرى خطيباً

بنبرة صوته يفري المحالا

ونحن نقول ما قال "البعيني"

ويتحفنا بما أوحى وقالا

**

مروانين

شربل بعيني بطيب احساسو الورد منو جاب انفاسو شاعر غزي بعواطفو التكوين وعم يحضروا كل يوم قداسو القداس عندو شعر وشعانين وملايكي بالشعر حراسو وعم يصلوا بين حين وحين وترتيل دق المؤمن جراسو ونحنا بخمر الشعر سكرانين والنا الشرف نشرب سوا كاسو وكتار عندو متلنا محبين الناس اللي سكروا من الادب ناسو والمروانين بكل مبدا ودين فضل البعيني ما بيتناسو بغربتو للشعر علا جبين جبين وقياس المجد عا قياسو وبالادب ناسو بالملايين عم يدرسوا بحروف كراسو وبالتواضع زهر البساتين لملم عطر من طيبة حواسو ولو في عدل عندو جبل صنين كان للبعيني بينحني راسو

**

سلم العظائم

ـ1ـ

عبقري الغربة شربل بعيني 

لا اروع من شعره 

ولا اطيب من قلبه 

ولا اعرق من اصله 

انه المثال الامثل  

بالنسبة للمواهب الادبية والشعرية 

ومع كل ما لديه من معطيات 

وقدرات عجيبة 

تراه بنفسج التواضع 

ينفح محبةً وصداقةً واخاء.

ـ2ـ

شربل بعيني 

استحوذ على اعماق قلبي 

واستاثر بعقلي  

ومع ذلك  أجد نفسي مديناً له 

تجاه كل ما اتحفني به 

من شعر مدهش 

ومن نثر قل نظيره 

اذا كان ثمة من  مقارنة  

قد تقارب  هذه الهبة السماوية.

ـ3ـ

تكاد الحروف تضيق 

على استيعاب ما يكمن بخاطري

 وروحي 

من محبة وتقدير وإعجاب 

تجاه عبقري الغربة 

اخي الغالي شربل بعيني 

مع العلم انه استبدل هذا اللقب 

بعنوان اخر لديواني الشعري 

المتوج بهالة عبقرية شربل بعيني.

ـ4ـ

وهذا ينهض بدليل مقنع وحاسم 

كم ان هذا العبقري المعطاء 

يتشح بوشاح التواضع 

هذا التواضع 

الذي لا تضاهيه أية عظمة 

في احتساب سلم العظائم.

**

صوره يا شربل الما في حدا شعر ابتكر متل شعرك مقلع كنوز ودرر صوروك اليوم صوره واحدي ومين اللي قدك بالشعر عاطي صور **

سويسرا

سويسرا سجل حلاها معجزات وانت وحلاها بالشعر من فرد ذات ووين ما كنت عايش معك بالأمنيات يا شربل التوجتني بالمكرمات دخيري بعنقي كيفما الأيام جات معلقك رمز الوفا والتضحيات وجوات قلبي في الك معبد صلاة تا عجايبك تعمل الي خشبة نجاة وما في سفر قادر يلاشي الذكريات البيني وبينك انت يا ركن الثبات وبتضلك بقلبي نبض قلبي الحنون ولو سفرتي السفره الاخيره بهالحياة

**

الوقفة البعينية

عزيزي شربل بعيني

انت الذي زرعت بنا عنفوان المنبر

والوقفة البعينية التي لم يستطع احدهم ان يقفها على غرارك

يا امير الكلمة المنبرية

وعميد الادب المهجري

ويا نبرة الحق الصاعق في وجه المخادعين

ليظل الحق سيد المواقف

بفضل ادبك الرفيع

وطيب معدنك الاصيل

يا شربل العجائبي بشعرك العجيب

وادبك الاديب

يا عندليب الخطابة

والمع خطيب في كلامك الناصع المصيب

**